I afërmi i viktimave babë e birë në një intervistë televizive shpreh se Roland Verçani dhe i biri sot kishin filluar punë në kapanon të Lushnjes.
Ai theksoi se i riu sapo ishte kthyer nga Italia, pasi ishte në emigrim. Mes tjerash ai shtoi se Rolandi ishte baba i tre fëmijëve, ndërkohë që dhe më parë bënte të njëjtën punë pra me vinç.
“Janë kushërinjt tonë, Landin e kemi fis. Ishte dita e parë e punës bashkë më djalin. Punonte me kamion me vinç. Landi ka dy çuna dhe një gocë. Landi ishte 55 vjeç.
Çuni ka qenë në Itali, djali kishte rreth një muaj që kishte ardhur nga emigrimi. Punonin, mirë e kishin gjendjen ekonomike”-tha ai.
