Në një intervistë të dhënë për emisionin “Off the Record”, Bolton ka deklaruar se ky vendim është i ndikuar politikisht dhe se duhet të rishikohet nga autoritetet amerikane.
“Këto vendime kanë qenë subjekte të ndikimeve politike. Unë mendoj që duhet rishikuar, nuk e di deri në ç’masë duhet të shkojë, por mendoj se nuk ishte i duhur dhe duhet të rishihet,” ka theksuar Bolton. Ai gjithashtu ka shtuar se duhet të gjendet një zgjidhje e shpejtë për këtë çështje.
“Mendoj që është pak nga të dyja, shpresoj të kthehesha mbrapa dhe ta ribëja, kjo është e pamundur, por shpresoj që të gjejmë zgjidhje të shpejtë dhe të kemi një sjellje normale,” ka përfunduar ish-këshilltari i Trumpit.
Deklarata e Bolton vjen në një kohë kur Sali Berisha dhe Partia Demokratike janë në opozitë në Shqipëri dhe kur vendimi i Departamentit të Shtetit amerikan ka shkaktuar reagime të ndryshme në skenën politike shqiptare.
