{"id":22565,"date":"2025-03-11T14:43:09","date_gmt":"2025-03-11T14:43:09","guid":{"rendered":"https:\/\/new.findnews5.com\/?p=22565"},"modified":"2025-03-11T14:43:12","modified_gmt":"2025-03-11T14:43:12","slug":"kosova-beh-dhe-serbia-cfare-plani-ka-trump-per-ballkanin-perendimor","status":"publish","type":"post","link":"https:\/\/new.findnews5.com\/?p=22565","title":{"rendered":"Kosova, BeH dhe Serbia, \u00e7far\u00eb plani ka Trump p\u00ebr Ballkanin Per\u00ebndimor?"},"content":{"rendered":"<div class=\"78954ae5fa42b68c1393fe3da4998882\" data-index=\"1\" style=\"float: none; margin:0px 0 0px 0; text-align:center;\">\n<div data-type=\"_mgwidget\" data-widget-id=\"1576712\">\r\n<\/div>\r\n<script>(function(w,q){w[q]=w[q]||[];w[q].push([\"_mgc.load\"])})(window,\"_mgq\");\r\n<\/script>\r\n\n<\/div>\n\n<p><strong>Jav\u00ebt e fundit kan\u00eb treguar, se sa shpejt mund t\u00eb ndryshojn\u00eb situatat n\u00ebn presidentin e SHBA-s\u00eb, Donald Trump. \u00c7far\u00eb mund t\u00eb thot\u00eb kjo p\u00ebr Ballkanin Per\u00ebndimor?<\/strong><\/p>\n\n\n\n<p>Tri luft\u00ebrat e Jugosllavis\u00eb t\u00eb viteve 1990 \u2013 n\u00eb Kroaci (1991-95), Bosnj\u00eb \u2013 Hercegovin\u00eb (1992-95) dhe Kosov\u00eb (1999) \u2013 mor\u00ebn fund p\u00ebrfundimisht n\u00ebn udh\u00ebheqjen e SHBA-s\u00eb.<\/p>\n\n\n\n<p>Q\u00eb at\u00ebher\u00eb dy misione ushtarake t\u00eb drejtuara nga BE dhe NATO garantojn\u00eb paqen n\u00eb k\u00ebto ish-zona lufte, Por q\u00eb prej m\u00eb shum\u00eb se dy vjet\u00ebsh situata n\u00eb Ballkanin Per\u00ebndimor acarohet vazhdimisht.<\/p>\n\n\n\n<p>Spiralja e dhun\u00ebs filloi n\u00eb dhjetor 2022.<\/p>\n\n\n\n<p>Pasi p\u00ebrfaq\u00ebsuesit e pakic\u00ebs serbe n\u00eb Republik\u00ebn e Kosov\u00ebs n\u00ebn orientimin e kryeqytetit t\u00eb Serbis\u00eb, Beogradit, u larguan nga institucionet e shtetit kosovar \u2013 gjyq\u00ebsori, policia dhe administrata \u2013 presidenti serb Aleksandar Vu\u00e7i\u00e7 filloi nj\u00eb grumbullim t\u00eb trupave n\u00eb kufirin verior t\u00eb vendit fqinj.<\/p>\n\n\n\n<p>Ish-diplomati gjerman, Wolfgang Ischinger akuzoi Vu\u00e7i\u00e7in se d\u00ebshironte t\u00eb \u201cluante rolin e nj\u00eb Putini t\u00eb vog\u00ebl\u201d. \u201cM\u00eb duket e paimagjinueshme, se si Vu\u00e7iq dhe udh\u00ebheqja serbe po nxisin telashe k\u00ebtu. Fajin p\u00ebr k\u00ebt\u00eb shkall\u00ebzim ia jap ekskluzivisht Beogradit\u201d.<\/p>\n\n\n\n<p>Vu\u00e7iq nga ana tjet\u00ebr theksoi, se ushtria e Serbis\u00eb do t\u00eb mbronte pakic\u00ebn serbe n\u00eb \u201ckrahin\u00ebn jugore\u201d t\u00eb Serbis\u00eb \u2013 si\u00e7 e quan ende udh\u00ebheqja n\u00eb Beograd, Kosov\u00ebn, e cila nuk ka qen\u00eb n\u00ebn kontrollin serb q\u00eb nga viti 1999.<\/p>\n\n\n\n<p>Gjat\u00eb vitit 2023, situata u p\u00ebrshkall\u00ebzua: N\u00eb trazirat n\u00eb maj serb\u00eb t\u00eb dhunsh\u00ebm godit\u00ebn dhe plagos\u00ebn 90 ushtar\u00eb t\u00eb NATO-s nga trupa e paqes n\u00eb Kosov\u00eb, KFOR.<\/p>\n\n\n\n<p>Situata n\u00eb Kosov\u00eb p\u00ebr pak sa nuk p\u00ebrshkall\u00ebzoi<\/p>\n\n\n\n<p>N\u00eb shtator t\u00eb vitit 2023 pran\u00eb manastirit ortodoks serb Banjska n\u00eb veri t\u00eb Kosov\u00ebs pati luftime mes paraushtarak\u00ebve serb\u00eb dhe policis\u00eb kosovare.<\/p>\n\n\n\n<p>Kat\u00ebr vet\u00eb humb\u00ebn jet\u00ebn dhe dhjet\u00ebra paraushtarak\u00eb serb\u00eb t\u00eb udh\u00ebhequr nga nj\u00eb i besuar i Vu\u00e7iqit arrit\u00ebn t\u00eb arratiseshin n\u00eb Serbi.<\/p>\n\n\n\n<p>Ata lan\u00eb pas nj\u00eb arsenal ushtarak modern me vler\u00eb milionash nga rezervat e ushtris\u00eb serbe, q\u00eb mund t\u00eb kishte pajisur m\u00eb shum\u00eb se 100 luft\u00ebtar\u00eb.<\/p>\n\n\n\n<p>K\u00ebtu me sa duket ishte planifikuar nj\u00eb operacion m\u00eb i madh ushtarak \u2013 ndoshta me q\u00ebllim pushtimin e kat\u00ebr komunave veriore t\u00eb Kosov\u00ebs, ku minoriteti serb p\u00ebrb\u00ebn shumic\u00ebn e popullsis\u00eb n\u00eb vendin e banuar kryesisht nga shqiptar\u00ebt.<\/p>\n\n\n\n<p>N\u00eb tetor 2023 Vu\u00e7iqi urdh\u00ebroi pastaj tanket t\u00eb drejtoheshin drejt Kosov\u00ebs, t\u00eb cilat u ndaluan vet\u00ebm nga nd\u00ebrhyrjet diplomatike nga Uashingtoni dhe NATO.<\/p>\n\n\n\n<p>N\u00eb prill 2024 gjenerali amerikan Christopher Cavoli, Komandanti Suprem i NATO-s p\u00ebr Evrop\u00ebn, paralajm\u00ebroi Kongresin e SHBA p\u00ebr synimet e Beogradit, duke th\u00ebn\u00eb se rritja e trupave serbe pas sulmit n\u00eb Banjska ishte \u201ck\u00ebrc\u00ebnimi m\u00eb i madh i dhun\u00ebs nd\u00ebrshtet\u00ebrore\u201d prej 25 vjet\u00ebsh.<\/p>\n\n\n\n<p>K\u00ebrc\u00ebnime kund\u00ebr Bosnj\u00ebs<\/p>\n\n\n\n<p>Nd\u00ebrkoh\u00eb z\u00ebvend\u00ebskryeministri i Serbis\u00eb Aleksandar Vulin k\u00ebrc\u00ebnoi nj\u00eb vend tjet\u00ebr fqinj gjat\u00eb nj\u00eb vizite n\u00eb kryeqytetin rus Mosk\u00eb: \u201cBosnja nuk ka qen\u00eb kurr\u00eb kaq af\u00ebr fundit t\u00eb saj\u201d.<\/p>\n\n\n\n<p>Pak m\u00eb par\u00eb Milorad Dodik, presidenti separatist i \u201centitetit\u201d t\u00eb dominuar nga serb\u00ebt n\u00eb Bosnje dhe Hercegovin\u00eb, Republika Srpska (RS), u d\u00ebnua nga Gjykata e Lart\u00eb e Bosnj\u00ebs me nj\u00eb vit burg dhe gjasht\u00eb vjet ndalim ushtrimi t\u00eb detyr\u00ebs.<\/p>\n\n\n\n<p>Vet\u00ebm pak dit\u00eb m\u00eb par\u00eb Dodik pati k\u00ebrc\u00ebnuar se nj\u00eb vendim faj\u00ebsimi ndaj tij mund t\u2019i jepte nj\u00eb \u201cgoditje fatale\u201d Bosnj\u00ebs.<\/p>\n\n\n\n<p>Presidenti i RS-s\u00eb u akuzua p\u00ebr shp\u00ebrfillje t\u00eb vendimeve t\u00eb P\u00ebrfaq\u00ebsuesit t\u00eb Lart\u00eb, Christian Schmidt.<\/p>\n\n\n\n<p>P\u00ebrfaq\u00ebsuesi i Lart\u00eb \u00ebsht\u00eb institucioni m\u00eb i lart\u00eb i komunitetit nd\u00ebrkomb\u00ebtar n\u00eb Bosnje, q\u00eb siguron paqen n\u00eb vend q\u00eb nga fundi i luft\u00ebs 1992-95.<\/p>\n\n\n\n<p>Pas d\u00ebnimit t\u00eb tij Dodik shkoi m\u00eb tej dhe inicioi miratimin e ligjeve n\u00eb Parlamentin e RS, t\u00eb cilat jan\u00eb n\u00eb fuqi fletoren zyrtare t\u00eb siguris\u00eb shtet\u00ebrore.<\/p>\n\n\n\n<p>\u201cSerb\u00eb tradh\u00ebtar\u00eb\u201d<\/p>\n\n\n\n<p>Pas d\u00ebnimit t\u00eb tij Dodik nd\u00ebrmori nism\u00ebn n\u00eb Parlamentin e Republika Srpska (RS) p\u00ebr miratimin e nj\u00eb s\u00ebr\u00eb ligjesh, q\u00eb ndalojn\u00eb organet boshnjake t\u00eb siguris\u00eb dhe drejt\u00ebsis\u00eb t\u00eb veprojn\u00eb n\u00eb RS.<\/p>\n\n\n\n<p>K\u00ebto ligje hyn\u00eb n\u00eb fuqi t\u00eb premten (6.03.2025) \u2013 por nuk jan\u00eb zbatuar nga t\u00eb gjtiha autoritetet.<\/p>\n\n\n\n<p>Punonj\u00ebsit n\u00eb kuartierin qendror t\u00eb Bosnjes autoritetit policor t\u00eb shtetit t\u00eb Bosnjes, Agjencia shtet\u00ebrore e Hetimit dhe Siguris\u00eb (SIPA), vazhdojn\u00eb pun\u00ebn, koleg\u00ebt e tyre n\u00eb p\u00ebrfaq\u00ebsi\u00eb rajonale n\u00eb kryeqytetin e RS, Banja Luka, n\u00eb t\u00eb kund\u00ebrt jan\u00eb larguar nga vendet e tyre t\u00eb pun\u00ebs.<\/p>\n\n\n\n<p>Presidenti i RS-s\u00eb Dodik pati paralajm\u00ebruar: T\u00eb gjith\u00eb, q\u00eb qendrojn\u00eb n\u00eb institucionet e shtetit boshnjak, do t\u00eb trajtohen si \u201cserb\u00eb tradh\u00ebtar\u00eb\u201d.<\/p>\n\n\n\n<p>Gjat\u00eb nj\u00eb takimi me presidentin e Serbis\u00eb, Vu\u00e7i\u00e7 n\u00eb Beograd m\u00eb 6 mars Dodik madje pretendoi, \u201cse boshnjak\u00ebt nga Sarajeva duan nj\u00eb konflikt t\u00eb armatosur n\u00eb Bosnje\u201d, p\u00ebr \u201ct\u2019u hakmarr\u00eb ndaj serb\u00ebve\u201d.<\/p>\n\n\n\n<p>Schmidt: \u201c\u00cbsht\u00eb tejkaluar vija e kuqe\u201d.<\/p>\n\n\n\n<p>P\u00ebrfaq\u00ebsuesi i lart\u00eb Schmidt reagoi m\u00eb 8 mars.<\/p>\n\n\n\n<p>N\u00eb radion komb\u00ebtare gjermane Deutschlandfunk ai tha, se me \u201csulmin e Dodikut ndaj sovranitetit dhe integritetit territorial t\u00eb Bosnje dhe Hercegovin\u00ebs\u201d \u00ebsht\u00eb \u201ctejkaluar vija e kuqe\u201d. Schmidt i k\u00ebrkoi bashk\u00ebsis\u00eb nd\u00ebrkomb\u00ebtare, q\u00eb t\u2019i p\u00ebrkushtohet m\u00eb fort kriz\u00ebs n\u00eb Bosnje.<\/p>\n\n\n\n<p>P\u00ebr her\u00eb t\u00eb par\u00eb P\u00ebrfaq\u00ebsuesi i Lart\u00eb kritikoi krahas Dodikut n\u00eb m\u00ebnyr\u00eb eksplicite edhe qeverin\u00eb serbe, s\u00eb cil\u00ebs \u201cduhet t\u2019i tregohen qart\u00eb kufijt\u00eb\u201d.<\/p>\n\n\n\n<p>P\u00ebr t\u00eb mbrojtur nga sulmet e mundshme memorialin e gjenocidt n\u00eb Srebrenic\u00eb, trupa e paqes e BE-s\u00eb, EUFOR, ka vendosur nj\u00ebsit\u00eb n\u00eb k\u00ebt\u00eb qytet n\u00eb lindje t\u00eb Bosnjes. N\u00eb Srebrenic\u00eb n\u00eb gusht 1995 serb\u00ebt e armatosur t\u00eb Bosnjes vran\u00eb mbi 8000 mysliman\u00eb boshnjake.<\/p>\n\n\n\n<p><strong>Paralajm\u00ebrimi nga SHBA<\/strong><\/p>\n\n\n\n<p>Paraljam\u00ebrimi i ministrit t\u00eb Jasht\u00ebm t\u00eb SHBA-s\u00eb, Marco Rubio, m\u00eb 8 mars n\u00eb platform\u00ebn X n\u00eb adres\u00eb t\u00eb Dodikut, \u00ebsht\u00eb nj\u00eb sinjal pozitiv, ai shkruan: \u201cVeprimet e presidentit t\u00eb RS, Milorad Dodik minojn\u00eb institucionet e Bosnje dhe Hercegovin\u00ebs dhe k\u00ebrc\u00ebnojn\u00eb sigurin\u00eb dhe stabilitetin\u2026. Ne u b\u00ebjm\u00eb thirrje parten\u00ebve n\u00eb rajon, q\u00eb t\u00eb bashkohen me ne p\u00ebr t\u00eb vepruar kund\u00ebr k\u00ebtij q\u00ebndrimi t\u00eb rreziksh\u00ebm dhe destablizues\u201d.<\/p>\n\n\n\n<p>Kongresmenia republikane Ann Wagner nga Missouri e quajti n\u00eb platform\u00ebn X Dodikun nj\u00eb \u201ckriminel brutal\u201d, q\u00eb duhet ndaluar.<\/p>\n\n\n\n<p>\u201cUn\u00eb jam n\u00eb kontakt me Ministrin\u00eb e Jashtme t\u00eb SHBA-s\u00eb dhe me koleg\u00ebt e mi n\u00eb Kongres, p\u00ebr t\u00eb shqyrtuar, se si mund t\u2019u kund\u00ebrvihemi p\u00ebrpjekjeve flagrante t\u00eb qeveris\u00eb s\u00eb Dodikut p\u00ebr t\u00eb minuar paqen n\u00eb rajon\u201d, shprehet Wagner.<\/p>\n\n\n\n<p><strong>Vu\u00e7iq gjithnj\u00eb e m\u00eb autokrat<\/strong><\/p>\n\n\n\n<p>OJQ-ja Human Rights Watch jep nj\u00eb pamje t\u00eb zymt\u00eb t\u00eb peizazhit t\u00eb medias dhe liris\u00eb s\u00eb shtypit n\u00eb Serbi.<\/p>\n\n\n\n<p>Grupet e monitorimit t\u00eb zgjedhjeve i kritikuan zgjedhjet e dhjetorit 2023 si as t\u00eb drejta dhe as t\u00eb lira.<\/p>\n\n\n\n<p>Opozit\u00ebs iu dha pak koh\u00eb transmetimi nga media, e cila \u00ebsht\u00eb rreth 90 p\u00ebr qind e kontrolluar nga qeveria.<\/p>\n\n\n\n<p>Vu\u00e7iqit iu dhan\u00eb mbi 300 or\u00eb transmetim televiziv at\u00eb vit. Pra, ai ishte dhe \u00ebsht\u00eb i kudongjendur.<\/p>\n\n\n\n<p>N\u00eb indeksin p\u00ebr lirin\u00eb e shtypit t\u00eb organizat\u00ebs Reporter\u00eb pa Kufij p\u00ebr vitin 2024 vendi ra nga pozicioni i 91-t\u00eb n\u00eb t\u00eb 98-in, pas Tanzanis\u00eb.<\/p>\n\n\n\n<p>Amnesty International zbuloi se qeveria serbe p\u00ebrdor ilegalisht spyware, p\u00ebr t\u00eb spiunuar opozitar\u00ebt.<\/p>\n\n\n\n<p>Por pavar\u00ebsisht politikave t\u00eb tij gjithnj\u00eb e m\u00eb represive, presioni ndaj Vu\u00e7iqit po rritet.<\/p>\n\n\n\n<p>Protestat n\u00eb Serbi b\u00ebhen gjithnj\u00eb e m\u00eb t\u00eb m\u00ebdha<\/p>\n\n\n\n<p>P\u00ebr her\u00eb t\u00eb tret\u00eb, n\u00eb fund t\u00eb janarit nj\u00eb makin\u00eb u fut n\u00eb nj\u00eb tubim proteste n\u00eb Beograd kund\u00ebr korrupsionit endemik n\u00eb Serbi, i cili sipas protestuesve \u00ebsht\u00eb p\u00ebrgjegj\u00ebs nd\u00ebr t\u00eb tjera p\u00ebr rr\u00ebzimin e nj\u00eb tende gjoja t\u00eb saporinovuar n\u00eb stacionin hekurudhor n\u00eb qytetin verior serb Novi Sad m\u00eb 1 n\u00ebntor 2024, ku humb\u00ebn jet\u00ebn 15 persona.<\/p>\n\n\n\n<p>N\u00eb sulmin me makin\u00eb n\u00eb protest\u00ebn e janarit u plagos\u00ebn r\u00ebnd\u00eb dy mjeke.<\/p>\n\n\n\n<p>Pas nj\u00eb rasti t\u00eb par\u00eb t\u00eb till\u00eb me makin\u00eb n\u00eb n\u00ebntor 2024, Vu\u00e7iq u tall n\u00eb televizion me viktim\u00ebn: \u201cDuhet t\u00eb arrestojm\u00eb shoferin tani? Dik\u00eb q\u00eb nuk ka shkelur asnj\u00eb ligj, q\u00eb ka vozitur n\u00eb rrug\u00ebn e tij? A jeni n\u00eb rregull?\u201d.<\/p>\n\n\n\n<p><strong>Pensionist\u00ebt kund\u00ebr Vu\u00e7iqit<\/strong><\/p>\n\n\n\n<p>Nd\u00ebrkoh\u00eb protestat e student\u00ebve, q\u00eb filluan pas aksidentit n\u00eb Novi Sad, vazhdojn\u00eb prej gati kat\u00ebr muajsh e gjys\u00ebm.<\/p>\n\n\n\n<p>Ata jan\u00eb b\u00ebr\u00eb nj\u00eb l\u00ebvizje masive, q\u00eb p\u00ebrfaq\u00ebson t\u00eb gjitha shtresat e popullsis\u00eb serbe.<\/p>\n\n\n\n<p>Kjo u b\u00eb e dukshme n\u00eb demonstrat\u00ebn e 1 marsit 2025 n\u00eb qytetin jugor serb t\u00eb Nishit, ku mij\u00ebra student\u00eb, q\u00eb kishin marshuar atje nga t\u00eb gjitha pjes\u00ebt e Serbis\u00eb, u prit\u00ebn me entuziaz\u00ebm, duke u gostitur nga dhjet\u00ebra mij\u00ebra banor\u00eb dhe \u00e7iklist\u00eb, q\u00eb edhe ata kishin vajtur posa\u00e7\u00ebrisht atje.<\/p>\n\n\n\n<p>Demonstrata n\u00eb Nish nuk ishte m\u00eb e madhja e muajve t\u00eb fundit \u2013 por gjithsesi imazhet duhet t\u00eb ken\u00eb qen\u00eb k\u00ebrc\u00ebnuese p\u00ebr Vu\u00e7iqin, sepse edhe nj\u00eb nga grupet e tij kryesore mb\u00ebshtet\u00ebse, pensionist\u00ebt, u p\u00ebrfaq\u00ebsuan n\u00eb num\u00ebr t\u00eb madh.<\/p>\n\n\n\n<p>Mbetet p\u00ebr t\u2019u par\u00eb, se si do t\u00eb zhvillohet m\u00eb tej kjo l\u00ebvizje, e cila nuk ka lidership qendror dhe kund\u00ebrshton rrept\u00ebsisht \u00e7do lloj p\u00ebrvet\u00ebsimi politik. Protesta masive e radh\u00ebs \u00ebsht\u00eb paralajm\u00ebruar p\u00ebr 15 mars, n\u00eb Beograd.<\/p>\n\n\n\n<p><strong>\u00c7far\u00eb do t\u00eb b\u00ebj\u00eb SHBA?<\/strong><\/p>\n\n\n\n<p>Planet politike t\u00eb presidentit Trump p\u00ebr Ballkanin Per\u00ebndimor jan\u00eb ende t\u00eb panjohura.<\/p>\n\n\n\n<p>Ekonomikisht si individ privat ai \u00ebsht\u00eb aktiv p\u00ebrmes kompanive t\u00eb tij n\u00eb Serbi dhe Shqip\u00ebri.<\/p>\n\n\n\n<p>Rrethi i Trumpit nuk e fsheh se Beogradi, i lidhur me Mosk\u00ebn, \u00ebsht\u00eb i preferuari i presidentit n\u00eb Evrop\u00ebn Juglindore.<\/p>\n\n\n\n<p>Q\u00eb nga fundi i luft\u00ebrave n\u00eb Jugosllavi n\u00eb vitet 1990, SHBA kan\u00eb qen\u00eb gjithmon\u00eb ato, q\u00eb n\u00eb fund kan\u00eb zgjidhur shum\u00eb konflikte t\u00eb vogla brenda dhe nd\u00ebrmjet shteteve pasardh\u00ebse.<\/p>\n\n\n\n<p>Tani jo vet\u00ebm v\u00ebzhguesit, por edhe shum\u00eb njer\u00ebz n\u00eb vendet e Ballkanit Per\u00ebndimor, pyesin veten: \u00c7far\u00eb do t\u00eb ndodh\u00eb, n\u00ebse Uashingtoni nuk do ta b\u00ebnte m\u00eb k\u00ebt\u00eb?<\/p>\n\n\n\n<p>N\u00ebse Presidenti Trump braktis Ukrain\u00ebn, nj\u00eb nga aleat\u00ebt m\u00eb t\u00eb ngusht\u00eb t\u00eb Shteteve t\u00eb Bashkuara, me aq leht\u00ebsi si\u00e7 po b\u00ebn tani, si do t\u2019i trajtonte shtetet e vogla si Bosnja apo Kosova? BE duhet t\u00eb jet\u00eb e p\u00ebrgatitur p\u00ebr t\u00eb gjitha eventualitetet n\u00eb Evrop\u00ebn Juglindore. \/DW<\/p>\n\n<div style=\"font-size: 0px; height: 0px; line-height: 0px; margin: 0; padding: 0; clear: both;\"><\/div>","protected":false},"excerpt":{"rendered":"<p>Jav\u00ebt e fundit kan\u00eb treguar, se sa shpejt mund t\u00eb ndryshojn\u00eb situatat n\u00ebn presidentin e SHBA-s\u00eb, Donald Trump. \u00c7far\u00eb mund t\u00eb thot\u00eb kjo p\u00ebr Ballkanin Per\u00ebndimor? Tri&#8230; <\/p>\n","protected":false},"author":1,"featured_media":22566,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-22565","post","type-post","status-publish","format-standard","has-post-thumbnail","hentry","category-lajme"],"_links":{"self":[{"href":"https:\/\/new.findnews5.com\/index.php?rest_route=\/wp\/v2\/posts\/22565","targetHints":{"allow":["GET"]}}],"collection":[{"href":"https:\/\/new.findnews5.com\/index.php?rest_route=\/wp\/v2\/posts"}],"about":[{"href":"https:\/\/new.findnews5.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/new.findnews5.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Fcomments&post=22565"}],"version-history":[{"count":0,"href":"https:\/\/new.findnews5.com\/index.php?rest_route=\/wp\/v2\/posts\/22565\/revisions"}],"wp:featuredmedia":[{"embeddable":true,"href":"https:\/\/new.findnews5.com\/index.php?rest_route=\/wp\/v2\/media\/22566"}],"wp:attachment":[{"href":"https:\/\/new.findnews5.com\/index.php?rest_route=%2Fwp%2Fv2%2Fmedia&parent=22565"}],"wp:term":[{"taxonomy":"category","embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Fcategories&post=22565"},{"taxonomy":"post_tag","embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Ftags&post=22565"}],"curies":[{"name":"wp","href":"https:\/\/api.w.org\/{rel}","templated":true}]}}