{"id":17525,"date":"2024-05-14T04:03:26","date_gmt":"2024-05-14T04:03:26","guid":{"rendered":"https:\/\/new.findnews5.com\/?p=17525"},"modified":"2024-05-14T04:03:27","modified_gmt":"2024-05-14T04:03:27","slug":"gaz-muca-historia-e-gangsterit-te-pare-te-tiranes-kercenimi-i-azem-hajdarit-do-te-qeth-tulle","status":"publish","type":"post","link":"https:\/\/new.findnews5.com\/?p=17525","title":{"rendered":"Gaz Mu\u00e7a, historia e gangsterit t\u00eb par\u00eb t\u00eb Tiran\u00ebs, k\u00ebrc\u00ebnimi i Azem Hajdarit: Do t\u00eb qeth tull\u00eb"},"content":{"rendered":"<div class=\"78954ae5fa42b68c1393fe3da4998882\" data-index=\"1\" style=\"float: none; margin:0px 0 0px 0; text-align:center;\">\n<div data-type=\"_mgwidget\" data-widget-id=\"1576712\">\r\n<\/div>\r\n<script>(function(w,q){w[q]=w[q]||[];w[q].push([\"_mgc.load\"])})(window,\"_mgq\");\r\n<\/script>\r\n\n<\/div>\n<p>Nga Ferdinand Dervishi<\/p>\n<p>Shqiptar\u00ebt e interesuar jan\u00eb p\u00ebrballur me informacione tek-tuk t\u00eb historis\u00eb s\u00eb Gazmend Mu\u00e7\u00ebs, t\u00eb fortit t\u00eb Tiran\u00ebs, i cili u b\u00eb i njohur menj\u00ebher\u00eb pas p\u00ebrmbysjes s\u00eb sistemit komunist. Por cila \u00ebsht\u00eb e v\u00ebrteta, ku p\u00ebrfundon realiteti dhe nis legjenda?<\/p>\n<p>Drejtues i nj\u00eb grupi bashk\u00ebmoshatar\u00ebsh t\u00eb rrug\u00ebs \u201cBardhyl\u201d, fama e tij do t\u00eb kap\u00ebrcente kryeqytetin n\u00eb gusht t\u00eb vitit 1991, pas lajmeve q\u00eb emetoi eksodi masiv n\u00eb drejtim t\u00eb brigjeve italiane.<\/p>\n<p>Sakt\u00ebsisht fama do t\u00eb vinte p\u00ebrmes rr\u00ebfimit goj\u00eb me goj\u00eb t\u00eb disa episodeve t\u00eb udh\u00ebtimit t\u00eb Gaz Mu\u00e7\u00ebs dhe grupit t\u00eb tij, me anijen \u201cVlora\u201d, n\u00eb drejtim t\u00eb portit t\u00eb Barit, n\u00eb Itali, dhe sidomos pas ngjarjeve t\u00eb dhunshme dhe rr\u00ebmujshme n\u00eb stadiumin \u201cVictoria\u201d t\u00eb k\u00ebtij qyteti, q\u00eb t\u00eb gjitha t\u00eb pasqyruara n\u00eb televizionet kryesore italiane.<\/p>\n<p>N\u00eb fillim t\u00eb vitit 1992, kur Gazmend Mu\u00e7a ishte kthyer n\u00eb Shqip\u00ebri, emri i tij, si nj\u00eb bandit q\u00eb \u201cvret e pret n\u00eb Tiran\u00eb\u201d do t\u00eb p\u00ebrmendej n\u00eb Parlament nga deputeti Azem Hajdari \u2013 nj\u00eb tjet\u00ebr episod ky, q\u00eb shtoi edhe m\u00eb tep\u00ebr shpejt\u00ebsin\u00eb e ngritjes p\u00ebrqiell t\u00eb fam\u00ebs.<\/p>\n<p>Por kush ishte me t\u00eb v\u00ebrtet\u00eb Gazmend Mu\u00e7a?<\/p>\n<p>A ishte ai nj\u00eb bandit apo kapoband\u00eb q\u00eb vriste e priste p\u00ebrdit\u00eb, apo gjith\u00e7ka q\u00eb perceptohej ishte e ekzagjeruar?<\/p>\n<p>Si u mund\u00ebsua q\u00eb, n\u00eb dy vite t\u00eb vetme postdiktatur\u00eb, shqiptar\u00ebt t\u00eb p\u00ebrballeshin me nj\u00eb mikrokriminalitet n\u00eb rritje t\u00eb ethshme dhe krejt jasht\u00eb kontrollit?<\/p>\n<p>Cilat ishin ngjarjet q\u00eb do t\u00eb thyenin ligjet e hekurta t\u00eb kontrollit absolut policor t\u00eb koh\u00ebs s\u00eb diktatur\u00ebs?<\/p>\n<p>Ekspert\u00ebt e policis\u00eb s\u00eb k\u00ebsaj periudh\u00eb kohore jan\u00eb t\u00eb mendimit se thyerja e madhe do t\u00eb ndodhte p\u00ebr shkak t\u00eb m\u00ebkateve t\u00eb politik\u00ebs dhe sidomos pas vrasjeve t\u00eb 4 prillit 1991 n\u00eb Shkod\u00ebr.<\/p>\n<p>Sipas tyre, pik\u00ebrsht pas k\u00ebsaj ngjarjeje autoriteti i policis\u00eb ra p\u00ebrtok\u00eb, nd\u00ebrkoh\u00eb q\u00eb vendin e l\u00ebn\u00eb bosh e mbushi me shpejt\u00ebsi mikrokriminaliteti.<\/p>\n<p>Gazmend Mu\u00e7a, i vitlindjes 1969, djali i nj\u00eb berberi me origjin\u00eb nga Kavaja, ishte b\u00ebr\u00eb i famsh\u00ebm mes bashk\u00ebmoshatar\u00ebve t\u00eb vet t\u00eb rrug\u00ebs \u201cBardhyl\u201d, qysh n\u00eb vitin 1985, n\u00eb mosh\u00ebn 16-vje\u00e7are, pik\u00ebs\u00ebpari p\u00ebr shkak t\u00eb aft\u00ebsive fizike.<\/p>\n<p>Kjo sepse adoleshenti Gaz Mu\u00e7a i kishte injektuar vetes besimin e nj\u00eb njeriu fizikisht t\u00eb pathyesh\u00ebm.<\/p>\n<p>Ai duhet t\u00eb dilte fitues me \u00e7do kusht n\u00eb ndeshjet e boksit tek e tek mes bashk\u00ebmoshatar\u00ebve. Edhe po t\u00eb mundej, ai do vijonte ti ftonte t\u00eb tjer\u00ebt n\u00eb duel derisa nj\u00eb dit\u00eb ti ulte n\u00eb tok\u00eb. M\u00eb tej, t\u00eb gjith\u00eb ata q\u00eb rrihte, i b\u00ebnte miq.<\/p>\n<p>Atraksioni i par\u00eb i Gaz Mu\u00e7\u00ebs rr\u00ebfehet t\u00eb ken\u00eb qen\u00eb p\u00ebllumbat. N\u00eb sht\u00ebpin\u00eb p\u00ebrdhese t\u00eb prind\u00ebrve, q\u00eb gjendej diku mes zon\u00ebs q\u00eb quhet \u201cXhamlliku\u201d dhe spitalit t\u00eb f\u00ebmij\u00ebve, q\u00ebllonte q\u00eb ai t\u00eb kishte n\u00eb pron\u00ebsi edhe 300 p\u00ebllumba nj\u00ebher\u00ebsh.<\/p>\n<p>Rregullat ishin t\u00eb ashpra; \u201cTi s\u2019mund t\u00eb kesh p\u00ebllumba m\u00eb t\u00eb bukur se t\u00eb mit\u00eb! P\u00ebllumbat e tu, ose b\u00ebhen t\u00eb mit\u00eb, ose do t\u00eb shfarosen!\u201d<\/p>\n<p>K\u00ebnaq\u00ebsia tjet\u00ebr e madhe e Gazmend Mu\u00e7\u00ebs, sigurisht e ndikuar nga filmat e shumt\u00eb artistik\u00eb me tematik\u00eb betejat e Mesjet\u00ebs, q\u00eb televizioni i vet\u00ebm shqiptar transmetonte, ishte kal\u00ebrimi dhe mund\u00ebsisht pjes\u00ebmarrja n\u00eb ndonj\u00eb gar\u00eb me kuaj.<\/p>\n<p>Por kishte edhe gara t\u00eb rrezikshme, si p\u00ebr shembull; t\u00eb rr\u00ebzoje kalin p\u00ebrtok\u00eb duke e goditur me nj\u00eb grush t\u00eb vet\u00ebm. Si t\u00eb kopjonte sken\u00ebn e nj\u00eb filmi western, rr\u00ebfehet se Gazi e kishte b\u00ebr\u00eb k\u00ebt\u00eb, duke e hedhur n\u00eb tok\u00eb nj\u00eb kal\u00eb t\u00eb nd\u00ebrmarrjes komunale.<\/p>\n<p>Gazmend Mu\u00e7a do ta paguante shtrenjt\u00eb d\u00ebshir\u00ebn p\u00ebr t\u00eb kal\u00ebruar. Ngjarja kishte k\u00ebt\u00eb rrjedh\u00eb:<\/p>\n<p>N\u00eb vitin 1988, n\u00eb mosh\u00ebn 19-vje\u00e7are Gazi vjedh nj\u00eb kal\u00eb n\u00eb ferm\u00ebn \u201cGjergj Dimitrov\u201d t\u00eb Saukut, por duke zbritur n\u00eb rrug\u00ebn e Elbasanit, p\u00ebrplasen me nj\u00eb kamion. Gazi shp\u00ebton mrekullisht, por kali ngordh.<\/p>\n<p>Gjykata e d\u00ebnon Gazmend Mu\u00e7\u00ebn me 8 muaj burg \u201cp\u00ebr d\u00ebmtim t\u00eb pasuris\u00eb socialiste\u201d.<\/p>\n<p>P\u00ebr habi, shteti i koh\u00ebs vendos ta mbyll\u00eb t\u00eb fortin e rrug\u00ebs \u201cBardhyl\u201d n\u00eb burgun e Spa\u00e7it.<\/p>\n<p>Gazmend Mu\u00e7a kthehet n\u00eb Tiran\u00eb n\u00eb vitin pasardh\u00ebs, 1989. Miqt\u00eb rr\u00ebfejn\u00eb se burgu, jo vet\u00ebm q\u00eb e kishte pjekur, por i kishte shtuar edhe fam\u00ebn.<\/p>\n<p>Pik\u00ebrisht n\u00eb k\u00ebt\u00eb periudh\u00eb Gaz Mu\u00e7a nis t\u00eb shfaqet, fillimisht n\u00eb lagjen e vet, dhe m\u00eb tej, n\u00eb gjith\u00eb Tiran\u00ebn, i shoq\u00ebruar me nj\u00eb grup djemsh q\u00eb nuk ta p\u00ebrtonin grushtin turinjve, apo nj\u00eb maj\u00eb thike.<\/p>\n<p>Po kaq shpejt, grupi i Gaz Mu\u00e7\u00ebs i qaset edhe lekut. D\u00ebshmohet se fillimisht t\u00eb hollat i nxirnin me an\u00eb t\u00eb trukimeve t\u00eb loj\u00ebs s\u00eb bixhozit, nd\u00ebrsa m\u00eb pas nisnin t\u2019i bien shkurt:<\/p>\n<p>Nisin t\u00eb sulmojn\u00eb pikat ku luhej bixhoz n\u00eb momentin kur loja p\u00ebrfundonte, duke zhvatur, p\u00ebrmes k\u00ebrc\u00ebnimeve, t\u00eb gjith\u00eb xhiron e t\u00eb hollave.<\/p>\n<p>Grupi q\u00eb shfaqej me eg\u00ebrsin\u00eb e nj\u00eb tufe piranjash, p\u00ebrdorte thika, doreza metalike, leva hekuri. Kryesisht hanin dru vet\u00ebm ata q\u00eb nuk e njihnin Gazmend Mu\u00e7\u00ebn.<\/p>\n<p>Gjat\u00eb viteve 1990-1991 piranjat e grupit t\u00eb Gazmend Mu\u00e7\u00ebs nis\u00ebn t\u00eb b\u00ebhen t\u00eb famsh\u00ebm edhe pas inkursioneve te tregu industrial, q\u00eb njihet si \u201cPazari i Ri\u201d.<\/p>\n<p>Si t\u00eb ishin n\u00eb mallin e tyre, aty ata zgjidhnin rrobat m\u00eb t\u00eb bukura, p\u00ebrlanin ndonj\u00eb manjetofon e t\u00eb tjera.<\/p>\n<p>Ndonj\u00ebher\u00eb ndodhte q\u00eb, sapo grupi i t\u00eb fort\u00ebve t\u00eb shfaqej n\u00eb krye t\u00eb rrug\u00ebs, t\u00eb gjith\u00eb tregtar\u00ebt t\u00eb mblidhnin mallim dhe largoheshin n\u00eb panik.<\/p>\n<p>Largoft\u00eb q\u00eb grupi i Gaz Mu\u00e7\u00ebs ti futej dikujt n\u00eb lokal p\u00ebr t\u00eb pir\u00eb ndonj\u00eb got\u00eb!<\/p>\n<p>N\u00ebse kjo ndodhte, fillimisht nga lokali zbohej e gjith\u00eb klientela, m\u00eb pas harbimi dhe pirja e alkoolit direkt nga shishet vijonte gjith\u00eb nat\u00ebn.<\/p>\n<p>Pik\u00ebrisht kjo lloj sjelljeje, pas asnj\u00eb lloj kthimi mbrapsht, b\u00ebn q\u00eb grupi i Gaz Mu\u00e7\u00ebs t\u00eb dalloj\u00eb mes grupeve t\u00eb tjera t\u00eb Tiran\u00ebs. Ata ishin absolutisht m\u00eb t\u00eb fort\u00ebt. N\u00eb lagjen e tyre nuk guxonte t\u00eb afrohej askush, nd\u00ebrkoh\u00eb q\u00eb ata mund t\u00eb futeshin n\u00eb \u00e7do cep t\u00eb qytetit dhe t\u00eb mbaronin pun\u00eb, qoft\u00eb duke k\u00ebrkuar, gjetur dhe rrahur vend\u00e7e, ndonj\u00eb q\u00eb guxonte ti sfidonte.<\/p>\n<p>N\u00eb k\u00ebt\u00eb periudh\u00eb kohore dashuria e re e djemve t\u00eb rrug\u00ebs Bardhyl b\u00ebhen motocikletat.<\/p>\n<p>Vet\u00eb Gazi p\u00ebrdorte nj\u00eb motociklet\u00eb SUZUKI t\u00eb zez\u00eb, q\u00eb nuk \u00ebsht\u00eb ruajtur. Por aktualisht miqt\u00eb e tij, n\u00eb kujtim t\u00eb Gaz Mu\u00e7\u00ebs dhe koh\u00ebve t\u00eb lavdishme t\u00eb shkuara, e kan\u00eb gjetur nj\u00eb tjet\u00ebr 100 p\u00ebr 100 identike, madje e kan\u00eb targuar dhe e mbajn\u00eb n\u00eb gjendje pune.<\/p>\n<p>N\u00eb hap\u00ebsir\u00ebn kohore t\u00eb vitit 1991 fama e Gaz Mu\u00e7\u00ebs dhe djemve t\u00eb rrug\u00ebs \u201cBardhyl\u201d kap\u00ebrcen kufijt\u00eb e Tiran\u00ebs.<\/p>\n<p>Pik\u00ebrisht n\u00eb k\u00ebt\u00eb koh\u00eb, p\u00ebrmes miqve apo t\u00eb njohurve t\u00eb p\u00ebrbashk\u00ebt, n\u00eb Tiran\u00eb, me q\u00ebllim p\u00ebr t\u00eb takuar Gazin, ndenjur pran\u00eb tij dhe m\u00ebsuar prej tij, nis\u00ebn t\u00eb vinin dhe disa t\u00eb fort\u00eb nga rrethet, emrat e t\u00eb cil\u00ebve do t\u00eb b\u00ebheshin t\u00eb njohur, sidomos gjat\u00eb vitit 1997.<\/p>\n<p>Miqt\u00eb nga rrethet, t\u00eb cil\u00ebt ishin t\u00eb shumt\u00eb, Gazi i sistemonte p\u00ebr t\u00eb fjetur pran\u00eb gjimnazit \u201c\u00c7ajupi\u201d, n\u00eb nj\u00eb banes\u00eb bosh, q\u00eb i p\u00ebrkiste nj\u00eb familjeje t\u00eb larguar me eksodin e ambasadave.<\/p>\n<p>Ndonj\u00ebher\u00eb, bashk\u00eb me miqt\u00eb nga rrethet, grupi, edhe 50 vet\u00eb bashk\u00eb, fiks si nj\u00eb pamjet e filmit \u201cGangster\u00ebt e Nju Jorkut\u201d, shfaqeshin n\u00ebp\u00ebr rrug\u00ebt e Tiran\u00ebs duke u kallur dat\u00ebn, s\u00eb pari tregtar\u00ebve t\u00eb pakic\u00ebs n\u00eb tregun industrial.<\/p>\n<p>N\u00eb fillim t\u00eb gushtit 1991, Gazmend Mu\u00e7a, bashk\u00eb me grupin e tij, tentojn\u00eb t\u00eb emigrojn\u00eb n\u00eb dejtim t\u00eb Italis\u00eb.<\/p>\n<p>Ata imbarkohen n\u00eb anijen VLORA, t\u00eb ngarkuar me sheqer, mes mij\u00ebra shqiptar\u00ebve t\u00eb tjer\u00eb, q\u00eb \u00ebnd\u00ebrronin at\u00eb ndryshimin magjik t\u00eb standartit t\u00eb jetes\u00ebs.<\/p>\n<p>D\u00ebshmitar\u00ebt e rr\u00ebfejn\u00eb Gazmend Mu\u00e7\u00ebn t\u00eb pranish\u00ebm n\u00eb ur\u00ebn e komandimit t\u00eb anijes, pran\u00eb kapitenit t\u00eb saj, dhe sigurisht si njeriun q\u00eb kishte nj\u00ebfar\u00eb kontrolli mbi situat\u00ebn kaotike.<\/p>\n<p>Historia e ndjek pas Gaz Mu\u00e7\u00ebn sidomos pasi disa mij\u00ebra emigrant\u00eb shqiptar\u00eb mbyllen n\u00eb brend\u00ebsi t\u00eb stadiumit \u201cVictoria\u201d t\u00eb qytetit t\u00eb Barit me q\u00ebllim riatdhesimin.<\/p>\n<p>Situat\u00ebn e ndez pik\u00ebrisht lajmi p\u00ebr i kthimit mbrapsht n\u00eb Shqip\u00ebri. T\u00eb rinjt\u00eb e mbyllur n\u00eb stadium revoltohen. Reagimet, n\u00eb raport me policin\u00eb, me kalimin e or\u00ebve, b\u00ebhen t\u00eb dhunshme.<\/p>\n<p>Nd\u00ebrkoh\u00eb n\u00eb brend\u00ebsi t\u00eb stadiumit, grupi i Gaz Mu\u00e7\u00ebs nis t\u00eb b\u00ebj\u00eb ligjin. Policia dhe asistent\u00ebt e Kryqit t\u00eb Kuq detyrohen t\u00eb largohen. Kaosi shtrohet k\u00ebmb\u00ebkryq.<\/p>\n<p>Miqt\u00eb rr\u00ebfejn\u00eb se n\u00eb mes t\u00eb rr\u00ebmuj\u00ebs s\u00eb krijuar, Gaz Mu\u00e7a arriti t\u00eb vendoste t\u00eb pakt\u00ebn nj\u00eb rregull, t\u00eb cilin nis\u00ebn ta respektonin t\u00eb gjith\u00eb:<\/p>\n<p>Fal\u00eb tij, ushqimet, q\u00eb hidheshin nga ajri me helikopter, u ndaheshin s\u00eb pari f\u00ebmij\u00ebve dhe grave.<\/p>\n<p>Por, situata b\u00ebhet tejet e rrezikshme kur grupi i Gazit thyen dyert e nj\u00eb ambienti n\u00eb brend\u00ebsi t\u00eb stadiumit duke zbuluar nj\u00eb depo arm\u00ebsh zjarri.<\/p>\n<p>Ishte nj\u00eb arsenal i t\u00ebr\u00eb, p\u00ebrfshir\u00eb automatik\u00eb, pistoleta deri edhe pushk\u00eb snajper.<\/p>\n<p>Pak minuta m\u00eb pas, krismat n\u00eb aj\u00ebr nisin t\u00eb terrorizojn\u00eb, jo vet\u00ebm shqiptar\u00ebt n\u00eb brend\u00ebsi t\u00eb stadiumit, por edhe policin\u00eb rreth tij.<\/p>\n<p>Shpejt perimetri i stadiumit rrethohet nga forca policore dhe ushtarake.Por aventuta vazhdon. Dikur Gaz Mu\u00e7a me grupin, t\u00eb gjith\u00eb t\u00eb armatosur, hipin n\u00eb nj\u00eb autobus dhe tentojn\u00eb t\u00eb \u00e7ajn\u00eb kordonet e policis\u00eb me q\u00ebllim p\u00ebr tu arratisur, por pengesat me blloqe betoni i ndalojn\u00eb.<\/p>\n<p>Pas bllokimit nisnin tratativat o\u00ebr bisedime. T\u00eb gjitha marr\u00ebveshjet duhet t\u00eb b\u00ebheshin p\u00ebrmes Gazmend Mu\u00e7\u00ebs, i cili m\u00eb pas intervistohet edhe nga t\u00eb gjitha mediat italiane.<\/p>\n<p>Por, vet\u00eb Gazmend Mu\u00e7a, do t\u00eb ishte zot i stadiumit p\u00ebr pak koh\u00eb. Pas dy dit\u00eb-net\u00ebsh, fshehurazi, ai arrin t\u00eb largohet dhe t\u00eb niset drejt Franc\u00ebs.<\/p>\n<p>Nd\u00ebrkoh\u00eb grupi mbetet, duke e humbur shum\u00eb shpejt kontrollin e situat\u00ebs.<\/p>\n<p>T\u00eb pakt\u00ebn dy ka\u00e7urrels\u00eb t\u00eb tjer\u00eb, nj\u00eb nga t\u00eb cil\u00ebt Arjan Hoxha, nj\u00eb kush\u00ebri i Gazit nga Kavaja \u2013 nis\u00ebn t\u00eb hiqeshin sikur ishin Gazmend Mu\u00e7a. Dhuna dhe plagosjet sidomos me arm\u00eb t\u00eb ftohta, nis\u00ebn t\u00eb shtoheshin duke p\u00ebrplot\u00ebsuar at\u00eb jehon\u00ebn e revolt\u00ebs s\u00eb dhunshme t\u00eb emigrant\u00ebve shqiptar\u00eb n\u00eb stadiumin \u201cVictoria\u201d t\u00eb Barit.<\/p>\n<p>Gazmend Mu\u00e7a kalon pak muaj n\u00eb Franc\u00eb dhe Gjermani, mes miqsh, por nuk bindet q\u00eb t\u00eb nis\u00eb jet\u00ebn e nj\u00eb emigranti. Duket, jeta mes aventurash dhe gjith\u00e7ka e arritur n\u00eb Shqip\u00ebri, e joshte m\u00eb tep\u00ebr, e t\u00ebrhiqte pas.<\/p>\n<p>P\u00ebrfundimisht, pas 4-5 muajsh, n\u00eb fund t\u00eb vitit 1991, Gazmend Mu\u00e7a kthehet n\u00eb Tiran\u00eb, ku krejt papritur p\u00ebrballet me fam\u00ebn e vet t\u00eb shum\u00ebfishuar.<\/p>\n<p>Fillimi i vitit 1992 e gjen shoq\u00ebrin\u00eb e Gaz Mu\u00e7\u00ebs t\u00eb zgjeruar.<\/p>\n<p>Ve\u00e7 grupit t\u00eb fort\u00ebve, ai kishte shoq\u00ebri edhe me pjestar\u00eb t\u00eb forcave speciale t\u00eb Policis\u00eb e t\u00eb tjer\u00eb personazhe, q\u00eb vite m\u00eb von\u00eb do tu vinte radha t\u00eb b\u00ebheshin t\u00eb njohur.<\/p>\n<p>Nd\u00ebrkoh\u00eb posht\u00eb, n\u00eb qytet, partit\u00eb politike kishin nisur fushat\u00ebn p\u00ebr zgjedhjet e Parlamentare, q\u00eb do t\u00eb mbaheshin m\u00eb 22 mars 1992.Pik\u00ebrisht n\u00eb k\u00ebt\u00eb periudh\u00eb Gazmend Mu\u00e7a b\u00ebn nj\u00eb l\u00ebvizje q\u00eb me gjasa do i kushtonte shum\u00eb.<\/p>\n<p>N\u00eb nj\u00eb rast, i thirrur nga disa miq gardist\u00eb, ai ndihmon Partin\u00eb Socialiste t\u00eb p\u00ebrmbyll\u00eb nj\u00eb miting t\u00eb shoq\u00ebruar me antimiting, ku nj\u00eb grup t\u00eb rinjsh i kishin sulmuar me gur\u00eb e me leva.<\/p>\n<p>Pas fitores s\u00eb Partis\u00eb Demokratike n\u00eb zgjedhje, nuk dihet se pas \u00e7far\u00eb shtyse, apo argumenti, deputeti Azem Hajdari, gjat\u00eb nj\u00eb fjalimi n\u00eb Parlament nis t\u00eb akuzoj\u00eb policin\u00eb q\u00eb nuk arrestonte t\u00eb fortin e Tiran\u00ebs \u2013 Gazmend Mu\u00e7\u00ebn, i cili \u201cvriste e priste\u201d n\u00eb lagjen e tij.<\/p>\n<p>Sipas miqve, Gazmend Mu\u00e7a ishte acaruar s\u00eb tep\u00ebrmi. Ai i kishte i \u00e7uar fjal\u00eb Azemit se, kur ta mb\u00ebrthente, do ja qethte flok\u00ebt tull\u00eb.Policia e merr n\u00eb mbrojtje deputetin Azem Hajdari deri n\u00eb realizimin e nj\u00eb takimi mes t\u00eb dyve.<\/p>\n<p>Njeriu q\u00eb b\u00ebn bashk\u00eb dhe ul n\u00eb bisedime Gazmend Mu\u00e7\u00ebn me Azem Hajdarin, do t\u00eb ishte nj\u00eb tjet\u00ebr i fort\u00eb i Tiran\u00ebs \u2013 Nehat Kulla.<\/p>\n<p>Madje edhe takimi mes t\u00eb dyve realizohet diku n\u00eb periferi t\u00eb Tiran\u00ebs, n\u00eb zon\u00ebn q\u00eb kontrollohej nga Kulla.<\/p>\n<p>Sipas d\u00ebshmitar\u00ebve, biseda kishte nisur me tone t\u00eb ngitura, m\u00eb pas t\u00eb dy ishin shtruar, duke u ndar\u00eb si miq.<\/p>\n<p>Por p\u00ebr Gazmend Mu\u00e7\u00ebn nuk kishte mbetur shum\u00eb koh\u00eb. N\u00eb fillim t\u00eb prillit 1992, nj\u00eb incident i r\u00ebndomt\u00eb, do ti nd\u00ebrpriste udh\u00ebtimin e jet\u00ebs.Shkak p\u00ebr incidentin do t\u00eb b\u00ebhej Landi, v\u00ebllai i Gazmend Mu\u00e7\u00ebs.<\/p>\n<p>Ngjarja nis n\u00eb af\u00ebrsi t\u00eb stacionit t\u00eb trenit, rreth or\u00ebs 11:00 t\u00eb dat\u00ebs 7 prill 1992, kur Land Mu\u00e7a dhe Gent Hajdari, tentojn\u00eb t\u2019i marrin motociklet\u00ebn, nj\u00eb VESPA t\u00eb bardh\u00eb, nj\u00eb t\u00eb njohuri t\u00eb tyre.<\/p>\n<p>Ngjarja zhvillohet n\u00eb prezenc\u00eb t\u00eb Franc Konomit, nj\u00eb tjet\u00ebr t\u00eb forti t\u00eb Tiran\u00ebs, t\u00eb cilin Gaz Mu\u00e7a dhe grupi i tij, nuk e konsideronin.<\/p>\n<p>I ndier i fyer, Franc Konomi e zgjedh t\u2019i jap\u00eb nj\u00eb shpull\u00eb Land Mu\u00e7\u00ebs.<\/p>\n<p>Nd\u00ebrkoh\u00eb Gazmend Mu\u00e7a, 7 prillin 1992, dit\u00ebn e fundit t\u00eb jet\u00ebs, e kishte nisur me realizimin e disa fotografive, q\u00eb do t\u00eb ishin, po ashtu, t\u00eb fundit.<\/p>\n<p>M\u00eb tej, rreth or\u00ebs 12:30, Gazi i hip\u00ebn makin\u00ebs s\u00eb vet, nj\u00eb Opel-i me targa gjermane, dhe shkon t\u00eb blej\u00eb boj\u00eb, pasi i ishte fiksuar q\u00eb ta lyente me ngjyr\u00eb t\u00eb bardh\u00eb.<\/p>\n<p>P\u00ebr fatin e keq t\u00eb tij, nd\u00ebrmarrja kartografike, ku u ble boja, gjendej p\u00ebrball\u00eb sht\u00ebpis\u00eb s\u00eb Naim Zyberit.<\/p>\n<p>Incidentin me Franc Konomin Gazit ja rr\u00ebfejn\u00eb or\u00ebs 14:00. Ai nuk humb koh\u00eb p\u00ebr t\u00eb marr\u00eb hak. Por Francin nuk e gjejn\u00eb as n\u00eb lagje, as n\u00ebp\u00ebr pikat e zakonshme t\u00eb bixhozit.<\/p>\n<p>N\u00eb mimutat e fundit t\u00eb jet\u00ebs, rreth or\u00ebs 17:00, Gaz Mu\u00e7a gjendej te \u201cXhamlliku\u201d, ku nj\u00eb tregtar makinash sapo kishte sjell\u00eb nj\u00eb \u201cFord Sierra\u201d, q\u00eb Gazi e kishte p\u00eblqyer dhe po i prishej mendja ta blinte.<\/p>\n<p>Pik\u00ebrisht n\u00eb k\u00ebto \u00e7ate pran\u00eb tij ndalon nj\u00eb autovetur\u00eb, nga ku zbret Naim Zyberi me kallashnikov n\u00eb duar.<\/p>\n<p>Ja dhe p\u00ebrshkrimi i ngjarjes sipas vendimit t\u00eb Gjykat\u00ebs s\u00eb Tiran\u00ebs, q\u00eb d\u00ebnonte t\u00eb pandehurin Naim Zyberi p\u00ebr vrasjen e Gazmend Mu\u00e7\u00ebs.<\/p>\n<p>N\u00eb dat\u00ebn 7 prill 1992 pasdite, rreth or\u00ebs 18, i pandehuri Naim Zyberi ka qen\u00eb duke udh\u00ebtuar me nj\u00eb automjet t\u00eb tipit OPEL, makin\u00eb t\u00eb cil\u00ebn e drejtonte shtetasi i quajtur Franc Konomi.<\/p>\n<p>Me makin\u00eb ata shkojn\u00eb n\u00eb rrug\u00ebn \u201cQemal Stafa\u201d dhe ndalojn\u00eb tek lokali i quajtur \u201cXhamll\u00ebku\u201d, p\u00ebrball\u00eb shat\u00ebrvanit, nd\u00ebrkoh\u00eb n\u00eb krahun tjet\u00ebr t\u00eb rrug\u00ebs, p\u00ebrball\u00eb automjetit me t\u00eb cilin ishte i pandehuri, ndodhej viktima Gazmend Mu\u00e7a.<\/p>\n<p>N\u00eb k\u00ebt\u00eb moment, ky i fundit, viktima, niset p\u00ebr t\u00eb dal\u00eb n\u00eb krahun tjet\u00ebr t\u00eb rrug\u00ebs. N\u00eb k\u00ebt\u00eb koh\u00eb, i pandehuri Naim Zyberi zbret nga dera e dyt\u00eb e makin\u00ebs (e pasme) dhe me automatik model 56 q\u00ebllon dy her\u00eb me bresh\u00ebri n\u00eb drejtim t\u00eb viktim\u00ebs Gazmend Mu\u00e7a, duke e d\u00ebmtuar at\u00eb n\u00eb pjes\u00eb t\u00eb ndryshme t\u00eb trupit.<\/p>\n<p>Makina me vras\u00ebsit erdhi nga unaza, kaloi n\u00eb vendin ku gjendej Gazi, u kthye mbrapsht rreth 100 met\u00ebr me lart dhe ndaloi p\u00ebrball\u00eb grupit t\u00eb njer\u00ebzve q\u00eb rrethonin Gazmend Mu\u00e7\u00ebn.<\/p>\n<p>D\u00ebshmitar\u00ebt tregojne se Gazmend Mu\u00e7a edhe pse e pa Namimin me kallashnikov n\u00eb duar, nuk b\u00ebri asnj\u00eb hap pas, duke i pritur plumbat ballazi, nd\u00ebrkoh\u00eb q\u00eb gjith\u00eb t\u00eb tjer\u00ebt ishin larguar n\u00eb panik.<\/p>\n<p>Sa \u00ebsht\u00eb kuptuar m\u00eb pas, organizatori i vrasjes ishte pik\u00ebrisht Franc Konomi, q\u00eb ishte frik\u00ebsuar nga hakmarrja e Gazit p\u00ebr shpull\u00ebn ndaj t\u00eb v\u00ebllait, Rolandit.<\/p>\n<p>I njohur p\u00ebr veprime tinzare, ai kishte futur n\u00eb loj\u00eb Naim Zyberin, duke i mbushur mendjen se Gazmend Mu\u00e7a k\u00ebrkonte ta vriste.<\/p>\n<p>Naim Zyberi besohet t\u00eb jet\u00eb bindur pasi ka verifikuar se, at\u00eb dit\u00eb, v\u00ebrtet Gaz Muca kishte qen\u00eb n\u00eb af\u00ebrsi t\u00eb banes\u00ebs s\u00eb tij, sakt\u00ebsisht te nd\u00ebrmarrja kartografike, ku kishte shkuar p\u00ebr t\u00eb bler\u00eb boj\u00eb.<\/p>\n<p>Naim Zyberi, ekzekutori i drejtp\u00ebrdrejt\u00eb t Gazmend Mu\u00e7\u00ebs, u arrestua pak muaj m\u00eb pas, m\u00eb 10 shtator 1992.<\/p>\n<p>Gjat\u00eb zhvillimit t\u00eb gjyqit, q\u00eb do e d\u00ebnonte me 25 vite burg p\u00ebr vrasje, ai u mundua t\u00eb luante kart\u00ebn e pap\u00ebrgjegjshm\u00ebris\u00eb mendore, por d\u00ebshton. T\u00eb dh\u00ebnat jan\u00eb pasqyruar n\u00eb vendimin e d\u00ebnimit.<\/p>\n<p>Por nga ekspertimi i fundit i b\u00ebr\u00eb gjat\u00eb hetimit t\u00eb \u00e7\u00ebshtjes penale p\u00ebr vrasjen e qytetarit Gazmend Mu\u00e7a, del q\u00eb jan\u00eb marr\u00eb n\u00eb analiz\u00eb nga nj\u00eb komision i gjer\u00eb eskpert\u00ebsh edhe dy aktekspertizat e m\u00ebparshme dhe n\u00eb p\u00ebrfundim, pas observimeve p\u00ebr nj\u00eb koh\u00eb t\u00eb gjat\u00eb t\u00eb t\u00eb pandehurit, \u00ebsht\u00eb konkluduar qart\u00eb dhe shprehimisht se ai \u2013 i pandehuri Naim Zyberi, jo vet\u00ebm n\u00eb koh\u00ebn e kryerjes s\u00eb krimit, por edhe disa muaj p\u00ebrpara, ka qen\u00eb n\u00eb gjendje normale mendore.<\/p>\n<p>Disa vite m\u00eb pas, m\u00eb 1998, Franc Konomi, i akuzuari tjet\u00ebr p\u00ebr vrasjen e Gazmend Mu\u00e7\u00ebs, arrin t\u2019ja hedh\u00eb drejt\u00ebsis\u00eb. Si t\u00eb ecte mbrapsht n\u00eb performanc\u00ebn e saj, drejt\u00ebsia shqiptare e koh\u00ebs, d\u00ebshton t\u00eb gjej\u00eb prova p\u00ebr implikimin e tij n\u00eb vrasje, duke pranuar nj\u00eb version, sipas t\u00eb cilit, Franc Konomi ishte marr\u00eb peng nga Naim Zyberi.<\/p>\n<p>Argumenti lexohet n\u00eb vendimin e pushimit t\u00eb akuzave ndaj Konomit:<\/p>\n<p>Pas kryerjes s\u00eb vrasjes nga i d\u00ebnuari Naim Zyberi, ky i fundit ka hipur p\u00ebrs\u00ebri n\u00eb sediljen e pasme t\u00eb makin\u00ebs s\u00eb tij, q\u00eb e drejtonte i pandehuri Franc Konomi dhe kur ka d\u00ebgjuar t\u00eb pandehurin q\u00eb po e pyeste p\u00ebr motivet qe e shtyn\u00eb t\u00eb kryente aktin dhe nuk po l\u00ebvizte mjetin, i d\u00ebnuari Zyberi i ka v\u00ebn\u00eb pas koke t\u00eb pandehurit Franc Konomi automatikin, q\u00eb ende e mbante n\u00eb dor\u00eb, duke e urdh\u00ebruar at\u00eb q\u00eb t\u00eb ngiste mjetin me shpejt\u00ebsi, ose ndryshe do e vriste edhe at\u00eb\u201d.<\/p>\n<p>Ceremonia e varrimit t\u00eb Gazmend Mu\u00e7\u00ebs ishte madh\u00ebshtore. Edhe pse binte shi i fort\u00eb, p\u00ebr ti dh\u00ebn\u00eb lamtumir\u00ebn djaloshit 23 vje\u00e7ar, shkulet gjysma e Tiran\u00ebs, duke realizuar nj\u00eb procession t\u00eb ngjash\u00ebm vet\u00ebm me at\u00eb t\u00eb Enver Hoxh\u00ebs.<\/p>\n<p>Gazmend Mu\u00e7a mbahet mend si gangsteri q\u00eb t\u00eb binte me grusht. Ai ishte pasonj\u00ebsi m\u00eb i denj\u00eb i brezit t\u00eb vjet\u00ebr t\u00eb t\u00eb fort\u00ebve t\u00eb Tiran\u00ebs q\u00eb b\u00ebn\u00eb em\u00ebr gjat\u00eb diktatur\u00ebs.<\/p>\n<p>\u201cFrikacaku t\u00eb vret, trimi t\u00eb bie me grusht\u201d \u2013 thoshte Gaz Mu\u00e7a, q\u00eb duket se e kishte t\u00eb v\u00ebshtir\u00eb t\u00eb kuptonte se koh\u00ebt kishin ndryshuar dhe se tashm\u00eb mund t\u00eb t\u00eb vriste edhe nj\u00eb kalama.<\/p>\n<p>Ekzekutimi i Gaz Mu\u00e7\u00ebs do t\u00eb mbyllte nj\u00eb epok\u00eb. Me vrasjen e tij mund t\u00eb thuhet se p\u00ebrfundoi epoka e dominimit t\u00eb t\u00eb fort\u00ebve q\u00eb e fitonin fam\u00ebn p\u00ebrmes guximit dhe forc\u00ebs fizike, p\u00ebr ti hapur rrug\u00ebn nisjes s\u00eb nj\u00eb epoke t\u00eb re, t\u00eb nj\u00eb lloji tjet\u00ebr t\u00eb fort\u00ebsh, t\u00eb cil\u00ebt, n\u00eb vend t\u00eb grushtave, do t\u00eb p\u00ebrdorinin arm\u00ebt e zjarrit, n\u00eb vend t\u00eb burr\u00ebris\u00eb \u2013 intrig\u00ebn dhe pabesin\u00eb.<\/p>\n<p>P\u00ebr tu habitur \u00ebsht\u00eb se si, akoma sot, imazhi i tij, rinia e shprehur, buz\u00ebqeshja e ndrojtur, kujtohen me nostalgji, jo vet\u00ebm nga ata q\u00eb e pat\u00ebn t\u00eb af\u00ebrm, mik apo shok, por edhe nga t\u00eb gjith\u00eb ata q\u00eb e njihnin n\u00eb distanc\u00eb, qoft\u00eb t\u00eb konceptuar si t\u00eb fortin e rrug\u00ebs \u201cBardhyl\u201d.<\/p>\n<p>Crime Story-Report TV<\/p>\n\n<div style=\"font-size: 0px; height: 0px; line-height: 0px; margin: 0; padding: 0; clear: both;\"><\/div>","protected":false},"excerpt":{"rendered":"<p>Nga Ferdinand Dervishi Shqiptar\u00ebt e interesuar jan\u00eb p\u00ebrballur me informacione tek-tuk t\u00eb historis\u00eb s\u00eb Gazmend Mu\u00e7\u00ebs, t\u00eb fortit t\u00eb Tiran\u00ebs, i cili u b\u00eb i njohur menj\u00ebher\u00eb&#8230; <\/p>\n","protected":false},"author":1,"featured_media":17526,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-17525","post","type-post","status-publish","format-standard","has-post-thumbnail","hentry","category-lajme"],"_links":{"self":[{"href":"https:\/\/new.findnews5.com\/index.php?rest_route=\/wp\/v2\/posts\/17525","targetHints":{"allow":["GET"]}}],"collection":[{"href":"https:\/\/new.findnews5.com\/index.php?rest_route=\/wp\/v2\/posts"}],"about":[{"href":"https:\/\/new.findnews5.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/new.findnews5.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Fcomments&post=17525"}],"version-history":[{"count":0,"href":"https:\/\/new.findnews5.com\/index.php?rest_route=\/wp\/v2\/posts\/17525\/revisions"}],"wp:featuredmedia":[{"embeddable":true,"href":"https:\/\/new.findnews5.com\/index.php?rest_route=\/wp\/v2\/media\/17526"}],"wp:attachment":[{"href":"https:\/\/new.findnews5.com\/index.php?rest_route=%2Fwp%2Fv2%2Fmedia&parent=17525"}],"wp:term":[{"taxonomy":"category","embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Fcategories&post=17525"},{"taxonomy":"post_tag","embeddable":true,"href":"https:\/\/new.findnews5.com\/index.php?rest_route=%2Fwp%2Fv2%2Ftags&post=17525"}],"curies":[{"name":"wp","href":"https:\/\/api.w.org\/{rel}","templated":true}]}}