Gjykata e Posaçme ka rrëzuar përfundimisht kërkesën e Fredi Belerit dhe në këtë mënyrë ai nuk do të betohet si kryetar i Bashkisë se Himarës.
Sipas GJKKO, nuk ka një dispozitë ligjore që mund ta lejojë Fredi Belerin që të betohet, edhe pse më 14 maj ai e fitoi bashkinë Himarë.
Gjatë seancës, kryetari i zgjedhur i Bashkisë Himarë deklaroi se ndaj tij po bëhet një padrejtësi për interesa politike.
“Zgjatja, shtyrja, përcjellja nga gjykata në gjykatë, veprimet tuaja për shtyrje të seancës nuk janë mënyra e duhur për të dhënë drejtësi.Po më dëmtoni mua, por edhe familjen time” u shpreh Beleri.
