Detaje të reja janë zbuluar për rastin e një të miture në Pejë të Kosovës, e cila ishte zhdukur më 16 nëntor 2023, rreth orës 18:35. Ishin familjarët që denoncuar rastin në polici.
Pas dy javësh, më 30 nëntor, rreth orës 2:00, familjarët së bashku me viktimën janë paraqitur në stacionin Policor Pejë. Viktima ka pranuar tretman mjekësor dhe ka qenë në gjendje të mirë shëndetësore. Ajo ka deklaruar se është mbajtur me dhunë nga një 63-vjeçar në banesën e tij.
“Hetuesit rajonalë pas një pune intensive, në bashkëpunim me prokurorin e Shtetit, kanë arritur ta identifikojnë dhe arrestojnë personin e dyshuar të këtij rasti: S. K., i lindur në vitin 1960, mashkull, kosovar. I dyshuari pas intervistimit, me vendim të prokurorit të Shtetit, është dërguar në mbajtje për 48 orë”, thuhet në njoftimin e Policisë.
