Rënia e EURO-s ka prekur një rekord të ri historik perballe lekut. Kursi i këmbimit ka hyre në momentin kur efekti turistik është më i fortë se kurrë, për shkak të numrit te larte te turisteve qe vizitojnë vendin tonë.
Sipas kursit zyrtar të këmbimit të Bankës së Shqipërisë, Euro u këmbye të enjten me 101.92 lekë, në rënie me 0.51 lekë krahasuar me fundin e javës së kaluar. Ky është niveli më i ulët i kursit Euro-Lek që prej datës 1 gusht.
Vetëm në 30 ditët e fundit, kursi Euro-Lek ka rënë me 3.4%, ndërsa krahasuar me të njëjtën periudhë të një viti më parë rënia ka arritur në 12.8%.
Dollari Amerikan u këmbye të enjten me 93.32 lekë, niveli më i ulët që prej datës 2 gusht. Gjithashtu ePaundi Britanik dhe Franga Zvicerane shënuan një rritje të lehtë ditën e sotme, por ngelen sidoqoftë pranë niveleve më të ulëta të katër muajve të fundit.
