Ndërsa SPAK ka nisur hetimin pasuror për Elvana Gjatën, pasi emri i saj doli në përgjimet e ‘SKY’ në grupin e bosit të kokainës Ervin Mata, këngëtarja nuk e ka prishur aspak terezinë, duke vijuar me koncertet e saj.
Pas një koncerti që mbajti në Gjermani, mbrëmjen e sotme këngëtarja është e ftuar nga Bashkia e Vlorës, për koncertin që do të mbahet për 28 Nëntor.
Prapaskena mëson se kryetari i Bashkisë Vlorë, Ermal Dredha do ta paguajë Elvana Gjatën me 20 milionë lekë për të kënduar në Vlorë. Sigurisht që kjo shumë është një bakshish për këngëtaren, e cila po hetohet nga SPAK për pastrimin e parave të drogës.
Por, Bashkia e Vlorës mund të paguante me para publike një këngëtare apo këngëtar tjetër që nuk ka probleme me drejtësinë.
