Askush si ata deri më sot nuk i ka poshtëruar, zhvatur dhe tallur menderen me shqiptarët, duke korruptuar dhe blerë mosveprimin e institucioneve ligjzbatuese të shtetit, sidomos Autoritetin Kombëtar të Aviacionit Civil.
Bëhet fjalë për kupolën drejtuese të kompanisë mafioze Wizz Air, e cila anulon fluturimet pa paralajmërim, kur të dojë dhe si të dojë, duke mos dhënë asnjë shpjegim apo duke mashtruar. I vonon fluturimet sa të dojë. I ndalon avionët rrangalle në devijim të destinacionit, ku të dojë, kur dhe sa herë të dojë.
Vjedh valixhet e pasagjerëve. I marrin flakë avionët në pistë. Dhe nuk dëmshpërblen kurrë pasagjerët për dëmet e përsëritura që u shkakton.
