Myslym Murrizi ka reaguar pas publikimit të dosjes së SPAK, ku nga përgjimet apo zbërthimi i aplikacionit “Sky” ka“rezultuar se Dedan Gjoni, shefi i krimeve të komisariatit nr 6, i arrestuar dy ditë më parë me urdhër të SPAK, ka kërkuar vota në 2021 në mbështetje të ish-deputetit Murrizi.
Në një postim në rrjetin social, Murrizi shkruan se shumë mirë e ka bërë Dedan Gjoni që ka kërkuar vota për të, ndërsa thekson se kishte dy vite që nuk fliste me zyrtarin e Policisë pasi mendonte se e kishte gënjyer që kishte bërë fushatë për të.
“E ku qëndron “ akti kriminal” i Dedan Gjonit këtu apo i kujdo Dedani që ka kërkuar vota apo ka votuar për Myslim Murrizin???????
Apo ngaqë nuk kërkoj vota për atë që ju tha Rama????
Po për gjysmën e deputetëve të sotëm kanë kërkuar vota dhe kanë paguar para e gjithë pjesa e llumit të kesaj shoqerie dhe nuk belbëzoni.
