Monedha europiane vazhdon të bjerë dhe sot ka prekur një tjetër nivel historik. Sipas kursit zyrtar të këmbimit të Bankës së Shqipërisë, sot më 3 Qershor, monedha Euro do te blihet me 108.1 leke dhe do të shitet 109.2 leke.
Gjithashtu edhe Dollari është në rënie pasi ditën e sotme do te blihet 100.6 dhe do te shitet 101.8. Monedha europiane ka humbur rreth 1.2% në raport me lekun vetëm kësaj jave. Me bazë vjetore, rënia e kursit të euros ndaj lekut ka arritur tashmë në 9.3%.
Rënia e euros ka një ndikim direkt në uljen e kostos së kredive në euro për atë shumicë të huamarrësve shqiptarë që i ka të ardhurat e veta në lekë.
