11 urdhër arreste u lëshuan mbrëmjen e djeshme për zyrtarë dhe ish-zyrtarë të policisë së shtetit për lidhje me botën e krimit. Arrestimet erdhën pas zbërthimit të aplikacionit SKY ECC.

Mes të arrestuarve janë ish-zv/ drejtori i policisë Tiranë në qeverisjen e Sali Berishës, Erzen Breçani me djalin, Eralbin, shefi i krimeve të komisariatit nr.6 Dedan Gjoni, oficerja Jonida Babameto, por edhe dy elementë të botës së krimit në Kukës, Besmir Mustati dhe Bujar Germizi.

Pesë janë në kërkim, katër dyshohet se fshihen në Spanjë, kurse tjetri është biznesmeni Ervin Mata, i cili ka lidhje krushqie me Breçanin. Djali i madh i ish-zyrtarit të policisë është martuar me motrën e Ervin Matës. Akuzat kundër këtyre personave janë për tentativa vrasje, drogë, pastrim parash dhe përkrahje të autorit të krimit.