Përfundoi në GJKKO seanca e ankimimit të vendimit ndaj Sali Berishës dhe dhëndrit të tij, Jamarbër Malltezit. Çështja u shqyrtua nga gjyqtarja Ilirjana Olldash e cila pas 8 orësh diskutime vendosi që seanca të shtyhet për ditën e nesërme në orën 11:00 me argumentin se dosja “Partizani” ka një material voluminoz.
Jamarbër Malltezi ishte i pranishëm në seancë dhe dha sqarime për gjyqtaren në lidhje me privatizimin e ish-klubit Partizani dhe procesin e ndërtimit. Ndërsa ish-kryeministri sërish refuzoi SPAK-un dhe u përfaqësua nga avokati i tij, Genc Gjokutaj.
Avokatët paraqitën argumentat e tyre kundër vendimit të SPAK për masën “Detyrim paraqitje” dhe “Ndalim dalje jashtë shtetit” ndaj Berishës.
