Avni Deharit, babai i ish-aktivistit Astrit Dehari, ka deklaruar se mostrat e djalit të tij janë zhdukur “nga ata që kanë pasur dorë në krim”.

Ai ka deklaruar se provat janë zhdukur me qëllim që sipas tij, të fshihet e vërteta dhe të mos zbulohet rasti.

“Ata që kanë pasur dorë në krime dhe padronet e tyre e kanë bërë këtë që të fshehin veten”, ka thënë ai në emisionin “Konfront” të KTV-së.

Ndërsa, avokati i rastit, Tomë Gashi, ka rrëfyer se ish-aktivisti i LVV-së ka pasur disa plagë në trup kur është gjetur

“Në fotografitë me ngjyrë shihen plagët e Astritit. I sheh plagët që s’ka mundësi as teorikisht t’ia shkaktosh as vetvetes. Plagët e Astritit në ballë kanë tentuar t’i fshehin…Shihet se janë në formë sferike dhe e kanë largësinë e njëjtë, që në gjuhën e popullit i bie se është goditje me boks. Astrit Dehari ka pasur plagë në duar, në ballë, në trupin e tij, që i bie se ka qenë i mbajtur nga më shumë se një person”, ka thënë Gashi.

Ai ka shtuar për herë të parë në qelinë e Astritit është futur me ekspertët zviceranë.

“Prokurori i ka të gjitha provat. Nuk do vetëm për asye politike që të shihet provat çka po thonë. Astriti është vrarë dhe ai e ka obligim të bëjë hetime për t’i gjetur vrasësit e Astrit Deharit”, ka shtuar ai./koha.net/