Kaos dhe rrëmujë në Kuvend, pasi opozita e Sali Berishes përmbys dhe flakin karriget në sallë.
Deputetët e Berishes kanë bllokuar me karrigen foltoren e sallës së seancave plenare të Parlamentit, duke bllokuar sërish seancën. Por kësaj radhe, demokratët nuk kanë marrë vetëm karriget e socialistëve, por edhe ato të opozitës.
“Nëse nuk dëgjoni, zhurmë mos bëni. Mbështesni kreun e një organizate kriminale. Ekziston vetëm Rama që ju shpërnda llokma, që vidhni tenderë, ndaj mos bëni zhurmë dëgjoni. Kambanat bien për ju. Kjo është situata në Parlament, me të drejta kushtetuese të mohuara për opozitën”, dëgjohet të thotë Berisha deputetët e të cilit kanë shkatërruar gjithçka.
Ndërkohë, punonjësit e gardës janë në sallën e Kuvendit në gatishmëri.
