36 mijë fëmijë kanë ardhur në jetë në 10 muajt e parë të vitit 2023. Ata kanë përfituar nga programi i bonusit të bebes, duke marrë menjëherë çekun në vlerën e 400, 800 apo 1 milion e 200 mijë lekë te vjetra, si fëmijë i parë, i dytë apo i tretë në familje.
Një pjesë e këtyre bebeve kanë ardhur në jetë nga prindër Shqiptarë që jetojnë jashtë vendit, por deri sot kanë marrë çekun pavarësisht se nuk janë rezident në Shqipëri.
Kjo është pagesa e fundit që bëhet për këta fëmijë që jetojnë jashtë vendit, pasi Qeveria Rama ka miratuar ndryshimin e ligjit, në bazë të së cilit, bonusi i bebes do iu jepet vetëm fëmijëve të familjeve rezidente në Shqipëri.
Për të nxitur lindshmërinë, por dhe mbështetur familjet në momentin që një fëmijë vjen në jetë, Qeveria Rama ka parashikuar që edhe në buxhetin e vitit 2024 të alokohet një fond prej 2,2 miliardë lekë për bebet që vijnë në jetë.
