Një avion i nisur nga Rinasi drejt Bolognas në Itali, ka pësuar defekt në njërin prej dy motorëve dhe është detyruar të bëjë ulje emergjente ne aeroportin e Barit.
“La Repubblica” shkruan se avioni i ’Albawings AWT 229’’ i linjës Tiranë-Bologna, po fluturonte në lartësinë 11 mijë metra kur u detyrua të bënte ulje emergjence vetëm një orë pas nisjes nga kryeqyteti shqiptar.
Incidenti ndodhi pasditen e 3 nëntorit rreth orës 13:12 kur avioni bëri devijimin teksa ndodhej në brigjet e Viestes. “Boeing 737”, i cili funksionon prej 30 vitesh, u ul në Bari me vetëm një motor të ndezur.
Manovrat emergjente në aeroportin e Barit shkaktuan vonesa edhe për avionët e tjerë në nisje dhe mbërritje. fatmirësisht nuk ka pasur të lënduar.
