Takat e larta u krijuan për herë të parë për burrat dhe ata filluan t’i mbanin ato në shekullin e 10-të, thonë historianët. Në epokën tonë, disa burra i janë kthyer takave. Kohët e fundit, një inxhinier 61-vjeçar nga Gjermania, Mark Bryan, filloi të vishte këpucë me taka të larta me funde në zyrën e tij dhe t’i bënte pjesë të veshjeve të përditshmërisë.

Pamja e tij u jep njerëzve një shtysë për të hequr qafe stereotipat dhe për të mos pasur kurrë frikë të veshin çfarë të duan.

Mark Bryan, një inxhinier dhe baba i 3 fëmijëve, është një njeri i zakonshëm në shikim të parë. Ai zakonisht është i zënë me punën dhe detyrat e tij familjare. Por së fundmi, ai bëri bujë në internet dhe krijoi një ndjekës prej rreth 200,000 në Instagram duke ndarë pamjen e tij, e cila është shumë larg nga “gjërat e zakonshme të një familjari”.

Ai filloi të ndryshojë rrënjësisht zakonet e veshjeve të tij 4 vjet më parë. Veshjet e tij të përditshme tani përfshijnë minifunde me kuadrate dhe çizme kamoshi. Ndërsa tregon pamjet e tij të përditshme, ai flet sesi preferencat e tij të veshjeve janë po aq normale sa çdo gjë tjetër që ai bën.

Veshjet e tij e bëjnë atë të ndihet i fuqizuar dhe më i sigurt. Ai i preferon fundet sesa fustanet, pasi siç thotë ai, fundet i mundësojnë të kombinojë veshjet dhe t’i bëjë ato me pamje mashkullore mbi bel dhe me gjini neutrale poshtë belit. Për të, gjithçka ka të bëjë me veshjet që nuk kanë gjini.

Ai tha se me pantallonat e zakonshme “mashkullore”, njerëzit në të vërtetë nuk kanë shumë mundësi për shumëllojshmëri veshjesh, por me funde ka një gamë të gjerë ngjyrash dhe stilesh, dhe kjo është ajo që e bën atë të ndihet mirë me veten kur vesh veshjet e tij./L.F-dritare.net