Edi Rama ka përshëndetur sërish vendimin e qeverisë së Kosovës për të pranuar propozimin e BE-së për normalizimin e marrëdhënieve me Serbinë, gjatë takimit të së enjtes në Bruksel.

Përmes një postimi në rrjetin social “X”, Rama shkruan se “nuk mund ta fsheh kënaqësinë që Kosova më në fund pranoi propozimin e BE-së dhe që sot është në një pozicion më të mirë në arenën ndërkombëtare”.

“Duke pranuar me mençuri propozimin e BE-së më 21 tetor Kosova sot ndodhet në një pozitë shumë më të mirë. Ky është një hap shumë i rëndësishëm përpara”, tha Rama, shkruan Gazeta Sinjali.

Shefi i qeverisë në Tiranë apeloi që dhe Serbia të bëjë të njëjtën gjë dhe të ecet përpara drejt marrëveshjes përfundimtare.

“Është koha që edhe Serbia të bëjë të njëjtën gjë. Çdo gjë që është pranuar dhe rënë dakord duhet të zbatohet pa asnjë vonesë”.

Ai u bënë thirrje partnerëve perëndimorë që të ruajnë këtë vrull dhe të shtyjnë përpara drejt një përparimi përfundimtar.

“Mjaft me shikimin e gishtit ndërsa gishti tregon hënën. Mjaft me të njëjtat gërmadha të vjetra dhe të rrezikshme. Mjaft me shmangien e paqes dhe kënaqjen me fantazmat e së kaluarës për hir të politikës së brendshme të imët”.

Rama shkruan se “shikoni se çfarë ndodh me ata që shmangin paqen dhe përfshihen në lojëra me shumën zero. Ne kemi nevojë për paqe, stabilitet dhe bashkëpunim në fqinjësinë tonë. Bëj paqe, për hir të Zotit, dhe vazhdo”.