Zëdhënësja e Sali Berishës, Floriana Garo ka sulmuar Top Channel, pas raportimit të lajmit se dhëndrit të Berishës iu sekuestrua vila në Gjirin e Lalzit, ku vetë Sali Berisha kalonte verën dhe fundjavat.
Gjatë një reagimi ne rrjetet sociale, Floriana Garo e inatosur me Top Channel thotë se Sali Berisha nuk disponon asnjë vilë në Gjirin e Lalzit.
“Top Channel ose sic njihet ndryshe Top Inceneratori për shkak të miliona eurove financime që Zoto dhe Mërtiri i kanë bërë kësaj mediaje dhe pronares së saj, nën diktatin e Ramës dhe mafies së plehrave, disinformon opinionin duke njoftuar sekuestrimin e një vile të ish kryeministrit Berisha në gjirin e Lalzit. Bëjmë me dije se ky është një trillim dhe se z.Berisha nuk disponon asnjë pasuri të paluajtshme në gjirin e Lalzit apo askund tjetër përveç apartamentit të tij në Tiranë! Lajmi përbën një shpifje amorale qëllimi i të cilës është mashtrimi i opinionit publik për llogari të Ramës”, shkruan nder te tjera Garo.
