Dita e hënë do të jetë historike për Tiranën, pasi për herë të parë do të zhvillohet një samit i përmasave të tilla, ku do të marrin pjesë të gjithë liderët europianë.
Tirana ka nisur përgatitjet për këtë ngjarje historike, ku flamuj të Bashkimit Evropian shihen kudo nëpër rrugët e Tiranës dhe në rrugën kryesore të aeroportit ndërkombëtar “Nënë Tereza” në Rinas.
Përgatitjet për këtë samit po vijojnë. Në samit deri më tani është konfirmuar pjesëmarrja e Kancelarit Gjerman, Olaf Scholz, presidenti Francës, Emmanuel Macron, si edhe Presidentja e Komisionit Europian, Ursula von der Leyen.
