Analisti Enver Bytyçi ka bërë një deklaratë qesharake ndaj kryeministrit të Shqipërisë, Edi Rama në lidhje me zhvillimet e fundit të veri të Kosovës.
Analisti që mban krahun e Sali Berishës, kritikoi disa politikanë, analistë të cilët po i mbrojnë qëndrimet e Ramës, që sipas tij, janë pro-serbe.
“Nuk mjafton të jesh kryeministër i Shqipërisë dhe të të falet gjithçka që bën kundër vendit tënd, në këtë rast kundër Kosovës! Duhet ta dëshmosh mbështetjen dhe veprimtarinë tënde pro- Kosovës, që të ruhet uniteti, koherenca dhe bashkëpunimi vëllazëror midis dy vendeve! Nëse Rama bashkëpunon me Serbinë dhe mbron pikëpamjet, idetë, tezat dhe interesat e saj në Kosovë, atëherë ai duhet të jetë i papranueshëm në Kosovë! Madje non-grata”, shkroi ndër të tjera Bytyçi në Facebook.
