Monika Kryemadhi së fundmi ka bërë një rrëfim “pa dorashka” për jetën e saj private.

Deputetja e Partisë së Lirisë, ka zbuluar arsyen përse bën vazhdimisht palestër ndërsa ka treguar edhe një episod delikat për shëndetin e saj.

“Palestra më ka ndikuar për vendimet e ardhshme, më ka motivuar. Pati një moment kyç kur unë vendosa të filloj palestrën. Kthehesha nga Gjermania, isha me bagazh dore, ishte periudha që isha shumë e dobët, 55 kilogramë. Ndërkohë doktoresha që më ndiqte nga ana shëndetsore më kishte çuar një mesazh pasi isha më e dobët se duhej dhe nga ana shëndetsore isha shumë e pashëndetshme. Kur po kthehesha nga Gjermia tentova të ngre valixhen e dorës te kabina avionit dhe nuk kisha fuqi, nuk më kishte ndodhur më parë pasi kam qenë shumë e fuqishme, aty ndjeva momentin e fundit sesi mund të isha aq pa fuqi. Kur u ktheva ja tregova doktoreshës atë që më kishte ndodhur dhe ajo më tha ti nuk ke më muskuj, je vetëm një skelet me lëkurë”- tregon Monika.