Është ndarë nga jeta aktori i njohur i teatrit dhe filmave Shqiptare, Lutfi Hoxha. Lajmin e trishtë e ka konfirmuar Teatri i Durrësit të cilët bëjnë me dije se “Mjeshtëri i Madh”, Lutfi Hoxha ka mbyllur sytë përgjithmonë në moshën 89-vjeçare.
“Qofsh i dritës engjëll i mirë e i bardhë. Me hidhërim të thellë njoftojmë ndarjen nga gjiri ynë artistik i xhevahirit të fundit të plejadës së artë të teatrit “Aleksandër Moisiu”. Lutfi Hoxha e jetoi këtë jetë në skenë, aty ku dha gjithçka”, njoftoi Teatri “Aleksandër Moisiu”.
Mbi 100 role në teatër dhe afro 17 në kinematografi përbëjnë gamën e jetës artistike të Lutfi Hoxha. Disa prej filmave në të cilat ka interpretuar janë “Rrugicat që kërkonin diell”, “Detyrë e posaçme”, “Thirrja”, ”Shoku ynë Tili”, “Pylli i lirisë”, “Tinguj lufte”, “Nata e parë e lirisë”, “Ne dhe Lenini” etj.
Stafi “Rilindje.info” i shpreh ngushëllime familjes së aktorit të madh të filmave shqiptarë.
