Biznesmeni Nexhat Behluli komentoi zhvillimet e fundit në veri të Kosovës, madje ai i frikësohet një hakmarrje të mundshme të Vuçiç ndaj popullsisë shqiptare që jeton në Serbi.

“Ekziston rreziku për ne shqiptarët që jetojmë në Serbi. Me regjistrimin e fundit që u bë vitin e kaluar, jemi diku 110 mijë shqiptarë, por rezidentë jemi rreth 40 mijë që jemi në rrezik se ka shqiptarë që zhvillojnë veprimtari të ndryshme brenda territorit të Serbisë, në punë të ndryshme, dhe ekziston rreziku që të hasin në problemet e hakmarrjes. 2 ditët e fundit kemi shtim të forcave serbe që patrullojnë në kufi me Kosovën, ku herë pas here ushtria dhe xhandarmëria sistemojnë pajisjet teknike, automjete. Është luftë psikologjike me këto lëvizje për të trembur popullatën” tha Behluli në emisionin ‘Breaking’.

Ndërkohë kryeministri i Shqiperisë, Edi Rama i bën thirrje BE dhe SHBA që me forcën imponuese të ulë në një tryezë dialogu Kosovën dhe Serbinë. Rama thotë se kriminelet e këtij sulmi duhet të dalin para drejtësisë dhe Serbia duhet të dënojë këta terroristë qe vrane policin e Kosovës.