Delegacioni i Bashkimit Europian ka reaguar në lidhje me zgjedhjen e Avokatit të Popullit, ku ka bërë thirrje për finalizimin e këtij procesi.
Delegacioni i BE-së thekson se zgjedhja e avokatit të Popullit do të shënojë një hap të rëndësishëm për vendin në lidhje me anëtarësimit në BE.
“Delegacioni i BE-së beson në rëndësinë vendimtare të opozitës për funksionimin e institucioneve demokratike. Megjithatë, Delegacioni i BE-së nuk komenton dhe nuk ndërhyn në punët e brendshme të partive politike.
Në rastin konkret, Delegacioni i BE-së nuk ka diskutuar me anëtarët e opozitës për çështjen e papërfunduar të zgjedhjes së Avokatit të Popullit nga parlamenti. Delegacioni i BE-së mbështet plotësisht çdo përpjekje të ndërmarrë për finalizimin e zgjedhjes së Avokatit të Popullit, një tjetër hap i rëndësishëm për Shqipërinë në procesin e anëtarësimit në BE”, thuhet në deklaratë.
