Gazetari Blendi Fevziu u tregua i ashpër në reagimin e tij për ndërhyrjen e shtetit grek në mbrojtje të kryetarit të zgjedhur të bashkisë së himarës, Fredi Beleri.

Fevziu u shpreh se kjo ndërhyrje është skandaloze dhe e pajustifikueshme, ndërsa theksoi se Qeveria Shqiptare nuk duhet të ndikohet nga ky presion.

“Ndërhyrja e Greqisë është skandaloze, e pajustifikueshme dhe në shkelje të të gjitha normave. Çfarë do të ndodhte në Greqi nëse Erdogani dhe ministrat e tij do të ankoheshin për ndonjë pjesëtar të minoritetit turk që ka patur probleme në zgjedhjet në Greqi? Me çfarë të drejte Beleri bën fushatë elektorale me flamurin e Vorio-Epirit, një simbol i ndaluar në shtetin shqiptar, i përçarjes dhe urrejtjes mes vendeve. Në qoftë se një shqiptar në Greqi do të bënte fushatë elektorale me flamurin ‘Autoctonus’ të Ballist Morinës, ku Greqia përfshihet brenda trojeve të Shqipërisë së Madhe, çfarë do të ndodhte në Greqi? Nëse Greqia flet për bllokim të rrugës europiane, le ta bllokojë. Shqipëria nuk është ajo e kaluara. Ndarja territoriale është padrejtë, se kanë 1/3 e vijës bregdetare dhe e mbajnë peng. Himara nuk është minoritet dhe as grekët nuk e kanë njohur si të tillë”, tha Fevziu.