Një nënë e cila tregoi për tmerrin e saj me djalin, të cilin e humbi nga kanceri në mushkëri, i ka rënë të fikët në protestë teksa mbante një fjalim.

“Djalin e kam humbur në moshën 31-vjeçare, kjo më ka ndodhur në det, ai nuk merrte dot frymë që atëherë. U diskutua për kimoterapinë. Shkova në një klinikë private, më thanë se nuk i kanë këto citostatikë. Sapo dola, më kthyen dhe më thanë që i gjetëm”, tha një nënë që humbi djalin e saj teksa e trajtonte në një nga klinikat private.

Nëna u tha qytetarëve se problemet me mungesën e citostatikëve nuk ndodhin vetëm në klinikat shtetërore, por edhe në ato private dhe mjekët në Vjenë i kanë thënë se kimioterapia që i kanë bërë në Maqedoni ishte e gabuar.

– Ka qenë një diferencë prej dhjetë minutash. Unë kam 40 vjet infermiere, po bërtas si i kanë gjetur këto barna në dhjetë minuta, kjo nuk ndodh vetëm në shëndetin publik, më ka ndodhur në një klinikë private. Pas atyre tre terapive djali im nuk ka rënë fare në peshë, nuk i kanë rënë flokët, terapitë i ka marrë në mënyrën më normale.

Kur shkova në Vjenë, doktori nuk më tha asgjë nga gjendja juaj e citostatikëve tuaj, nuk më duheshin këto citostatikë, dua ta operoj djalin. Edhe atëherë kam folur në të gjitha televizionet, askush nuk më ka mbështetur, të gjithë më kanë çmendur – tha nëna e pikëlluar.