Në Kaçanik, një shkolle i është vënë dryni. Mbyllja e saj nuk ka të bëjë me mungesë kushtesh, por me mungesë nxënësish.
Mësuesi Besim Kuqi, shpjegoi ndjenjën e rëndë që pati më 1 shtator nga heshtja përgjithmonë e ziles në shkollën fillore në fshatin Kotlinë.
“Shkolla ka qenë e hapur në vitin 1948, por për shkak të emigrimit të popullatës shkolla është mbyllur. Në fshat kanë mbetur shumë pak familje dhe ato që kanë mbetur nuk kanë fëmijë për shkollë. Momentalisht janë vetëm tre nxënës, derisa pjesa tjetër janë shpërngulur”, ka deklaruar mësuesi Kuqi për transmetuesin publik.
Familjet e këtij fshati janë shpërngulur në Kaçanik, Ferizaj, por edhe jashtë vendit, duke bërë që shkolla të mbetet vetëm me tre nxënës.
