Shumë fermer apo banorë të zonave rurale në vendin tonë, zgjedhin rrugët për të shitur prodhimet e tyre bujqësore. Edhe përgjatë segmentit të rrugës së Arbrit që kalon në Njësinë Administrative Xibër në Bashkinë e Klosit, ka banorë që tregtojnë anash rrugës.
I tillë është edhe ky i ri nga fshati Xibër – Murrize. Andi Diku thotë se prodhimet bujqësore të familjes së tij ka vendosur t’i shesë anash rrugës. Kjo edhe për disa arsye ekonomike që lidhen me shitjen e prodhimeve, siç është kostoja e transportit deri në Tiranë apo dhe çmimi i ulit që e marrin tregtarët e mëdhenj atje.
Andi tregon se me shitjen e produkteve bujqësore, arrin të ndihmojë sadopak familjen e cila nuk ka të ardhura të tjera ekonomike. Sa i përket shitjeve, çdo ditë eështë e ndryshme nga tjera, por ajo që ka vënë re ai, është justifikimi i blerësve me çmimin, ndonëse të gjitha produktet janë bio.
