Kryeministri Edi Rama e ka nisur ditën me disa pamje nga punimet që po bëhen në rrugën Prekal-Kir në Shkodër, për të cilën thotë se do të shërbejë si një impuls i ri zhvillimi turistik.
“Me punimet që po kryhen në rrugën Prekal-Kir, financuar nga qeveria shqiptare për Bashkinë e Shkodrës, si segmenti i parë i rrugës së Dukagjinit, për sjellë një impuls të ri zhvillimi turistik e agroturistik për një zonë mahnitëse”, shkruan Rama.
Kurse Kryetari i bashkisë së Shkodrës, Benet Beci thotë se ndërtimi i kësaj rruge prej 17 km është një nga prioritetet e tij.
“Jam i gëzuar që shikoj se filloj me u bërë. Kjo rrugë do të hapë perspektivë, do të kthejë njerëzit që kanë ikur. Do të zhvillohet qoftë turizmi apo fushat e ndryshme të ekonomisë”, u shpreh njëri prej banorëve të kësaj zone.
