Gazetarja Klodiana Lala ka reaguar ashpër ndaj deputetes socialiste Zegjine Çaushi, pas komenteve të kësaj të fundit lidhur me gjendjen shëndetësore të deputetit demokrat Klevis Balliu, i cili u lëndua gjatë protestës së Partisë Demokratike.
Në një postim në Facebook, Lala e ka quajtur Çaushin “sharlatanja e Parlamentit”, duke shprehur indinjatën e saj për mënyrën se si deputetja është shprehur publikisht.
Ajo ka ngritur gjithashtu një pyetje kritike ndaj shoqërisë, duke shkruar: “Çfarë populli jemi që pranojmë llojin e saj?”, duke nënkuptuar pakënaqësinë ndaj standardeve të përfaqësimit politik.
Ndërkohë, deputetja Çaushi kishte bërë dy postime në Facebook ku ironizonte gjendjen shëndetësore të Klevis Balliut, i cili u lëndua pasi u ekspozua ndaj sprajit lotsjellës të përdorur nga policia gjatë protestës së opozitës.
