Çështja e Fredi Belerit duket se ka futur në ngërç dy shtetet fqinje, ndërsa pasojat diplomatike tashmë janë evidente në marrëdhëniet e “akullta” mes Greqisë dhe Shqipërisë.

Beleri qëndron në paraburgim që prej 12 majit me akuzën e tentativës për “blerje votash” dhe sipas ligjit zgjedhor shqiptar, nëse një kryetar bashkie nuk betohet brenda 3 muajve, atehere ai shpallet i shkarkuar dhe zgjedhjet përsëriten.

Sipas burimeve ligjore, ka dallime në mendime se kur skadon saktësisht afati 3-mujor, duke qenë se nuk ka asnjë precedent për zbatimin e kësaj dispozite legjislative. Disa burime ligjore pohojnë se 3-mujori është llogaritur në bazë të kohës kur është mbledhur këshilli i qytetit të Himarës, ndaj afati skadon në mes të shtatorit. Megjithatë, sipas autoriteteve zyrtare të Shqipërisë, afati 3-mujor ka skaduar që prej datës 14 gusht. Të gjitha mundësitë janë të hapura: Sido që të jetë, tashmë është evident rreziku që Beleri të humbasë detyrën.

Kujtojmë që Edi Rama deklaroi se për çështjen “Beleri” do të pritet vendimi final i Drejtësisë, ndersa hapat e metejshem te qeverise do të merren pasi Gjykata të shprehet nese “Beleri është i fajshem apo të pafajshem“.