Deputeti socialist Erion Braçe u paraqit mëngjesin e sotëm pranë ambienteve të SPAK, duke u filmuar ndërsa hynte brenda me dokumente në dorë dhe me buzëqeshje në fytyrë.
Kur gazetarët e pranishëm e pyetën nëse po drejtohej drejt SPAK apo GJKKO, Braçe u përgjigj shkurt me fjalët “S’kam shance”, pa dhënë asnjë sqarim të mëtejshëm.
Ende nuk ka informacion zyrtar mbi arsyen e saktë të paraqitjes së tij, duke lënë hapësirë për interpretime të ndryshme rreth natyrës së vizitës në këtë institucion të rëndësishëm.
Megjithatë, burime të ndryshme kanë raportuar se deputeti është paraqitur në lidhje me një çështje gjyqësore që lidhet me akuza për shpifje.
