Ish-nënkryetari i Gjykatës Kushtetuese të Kosovës, Kadri Kryeziu, ka nxitur reagime me një deklaratë të tij për fenë islame në Kosovë.
Në një paraqitje publike, Kryeziu u shpreh se sipas tij “Feja Islame në Kosovë ka dalë nga shtrati, ka vërshu nga shtrati”, duke përdorur këtë përshkrim për të komentuar zhvillimet që ai i sheh në këtë drejtim.
Ai shtoi se, sipas mendimit të tij, ka ardhur koha që dikush ta ndalë këtë “vërshim”, duke theksuar se ka persona dhe grupe që janë të interesuar të merren me këtë çështje.
“Feja Islame në Kosovë ka dal nga shtrati, ka vërshu nga shtrati. Kush duhet me ndal? Na more, edhe kemi me ndalë. Ka shumë të interesuar në këtë punë. Ani pse është vetëm një shoqatë, këta janë nismetarë, unë e respektoj shumë si ide”, dëgjohet duke thënë ai.
