Mbrëmjen e sotme u raportua masivisht nga mediat për një operacion të SPAK dhe BKH të cilët nën drejtimin e oficerëve të antimafias italiane mësynë për kontroll në një prej kullave më luksoze të Tiranës.

Burime për priza.al bëjnë me dije se operacioni erdhi si pasojë e një investigimi disamujor i programit investigative në Itali “Le iene”. Investigimi kishte të bënte me një rrjet të mirëorganizuar në fushën e vjedhjes me call centera. Për rreth 3 muaj, pothuajse 15 të infiltruar nga Le ienet zbërthyen skemën e plotë, e më pas vunë në dijeni antimafian italiane. Kjo e fundit pas hetimeve dhe zbërthimit të skemës, në bashkëpunim me prokurorin Vladimir Mara drejtuan operacionin e ditës së sotme.

Ajo që e bën të rëndësishëm këtë operacion është fakti se bëhet fjalë për bisnesin ku Alba, motra e Taulant Ballës është aksionere së bashku me dy persona të tjerë.

Burimet ekskluzive për priza.al bëjnë me dije se në zyrë janë gjetur miliona euro në cash si edhe dhjetra “kuleta” të kriptomonedhave.

Operacioni është ndjekur edhe nga drejtuesi i BKH, Joni Keta i cili duket se këtë rast e përdori për të treguar se është një njeri i ligjit dhe nuk ka aspak kompleks për mardhënien miqësore familjare që ka me Taulant Ballën dhe gjithë familjarët e tij.

Operacioni është në vijim e sipër.