Një 65-vjeçar ka rënë sot nga kati i tetë i një pallati në ndërtim në zonën e Kamzës dhe ka ndërruar jetë në vend. Burime për Vox News raportojnë se viktima me inicialet H.P, punonte si ndihmës elektricist në pallat. Të njëjtat burime thonë se mungesa e sigurisë teknike ka shkaktuar vdekjen e 65-vjeçarit.
Ngjarja e rënde ka ndodhur në orët e paradites por ende nuk është raportuar nga Policia e Shtetit. Burime për Vox News, në polici nuk ka asnjë të shoqëruar për humbjen e jetës së 65-vjeçarit. Ky nuk është rasti i parë i një aksidenti me vdekje në punë.
Kushtet e sigurisë në punë as në vitin 2025 nuk janë përmirësuar, ndërsa numri i aksidente është i lartë, sidomos në Tiranë. Shkaqet e aksidenteve lidhen drejtpërdrejtë me kushtet e sigurisë dhe shëndetit në punë, por edhe për arsyen se askush nuk mban përgjegjësi për humbjen e jetëve.
