Duket se konflikti mes Endri Shabanit dhe Adriaktik Lapajt do të vazhdojë, pasi ky i fundit e ka sulmuar ashpër ish-aleatin i cili u zgjodh në krye të Avokatit të Popullit.
Gjatë protestës para Kryeministrisë, Lapaj ka shpërthyer ndaj Shabanit, teksa tha se këtu muaj ka mbajtur mbi supe tradhtinë e një njeriu “5 lekësh”.
Po ashtu kreu i “Shqipëria Bëhet”, nuk i kurseu akuzat ndaj ish-aleatit, për të cilin tha se është shërbëtor i Edi Ramës dhe se sot në Parlament shpërblehet tradhtari i kauzës.
“Personalisht për mua është një ditë krenarie e madhe, pse do të thoni ju? Sepse tërë këto muaj, më është dashur që të mbaj mbi supe tradhtinë e një njeriu 5 lekësh, që sot po dëshmohet në Parlament se ishte shërbëtor i Edi Ramës. Sot në Parlament po luhet një akt i turpshëm, po garantohet që të shpërblehet tradhtari i kauzës, i cili ka qenë në në fillim me atë qëllim”, tha Lapaj.
