Dy gra humbën jetën tragjikisht në një aksident të rëndë në autostradën “Ibrahim Rugova” në Kosove.

Ngjarja ndodhi pas një përplasjeje mes një makine dhe një kamioni, ku për fat të keq, të dyja gratë humbën jetën. Ndërkohë, shoferi i kamionit ka pësuar lëndime dhe aktualisht po merr trajtim mjekësor në Qendrën Klinike Universitare të Kosovës.

Në mediat sociale dhe në komunitetin e ekonomistëve në Shqipëri, lajmi për vdekjen e Elizabeta Katiaj ka shkaktuar reagime të shumta, duke nënvizuar rëndësinë e kontributit të saj në fushën e ekonomisë dhe ndikimin e saj në publik.

“Me pikëllim të thellë njoftojmë ndarjen nga jeta të mikeshës sonë të shtrenjtë, Elisabeta Katiaj, Nënkryetare e Dhomës së Biznesit të Diasporës, si dhe të Eorda Sinollari, konsulente biznesi pranë Dhomës. Elisabeta ishte një zë i fortë i diasporës shqiptare, një mbështetje e palodhur për gratë dhe vajzat sipërmarrëse dhe një profesioniste e përkushtuar në ndërkombëtarizimin e biznesit shqiptar. Ikja e saj e parakohshme ka lënë një boshllëk të madh tek të gjithë ne“, njofton Dhoma e Biznesit të Diasporës Shqiptare.