Presidenti serb Aleksandar Vučić akuzohet se ka qenë i pranishëm në pozicione ushtarake serbe mbi Sarajevë gjatë rrethimit të qytetit nga 1992 deri në 1996.

Konkretisht flitet për një njësi paramilitare në Varrezat Hebreje, ku pretendohet se të huaj të pasur paguanin shuma të mëdha parash për të qëlluar mbi civilë, si një lloj safari njerëzish me snajper. Këto akuza i ka ngritur gazetari kroat hetues Domagoj Margetić, i cili ka dorëzuar prova në prokurorinë e Milanos, ku po hetohet çështja për pjesëmarrje të mundshme të italianëve dhe të tjerëve.

Margetić thotë se ka video, foto dhe dëshmi që e vendosin Vučićin aty në 1992-1993 si vullnetar. Një video e vjetër nga 1993 tregon dikë që mban diçka të gjatë, disa thonë pushkë snajper, Vučići dhe mbështetësit e tij thonë se është trekëmbësh kamere ose çadër sepse ai ishte gazetar atë kohë.

Vučići i ka quajtur të gjitha akuzat gënjeshtra absolute dhe të turpshme. Ka thënë qartë se nuk ka mbajtur kurrë snajper në dorë, nuk ka vrarë dhe nuk ka plagosur askënd. Edhe ministria serbe e jashtme e ka cilësuar si manipulim politik.

Çështja e safari sniperëve nuk është e re, ka dalë që në dokumentarin Sarajevo Safari të 2022, por tani është ringjallur me hetimin italian dhe këto akuza direkte ndaj Vučićit. Deri tani janë vetëm pretendime, nuk ka aktakuzë zyrtare ndaj tij dhe hetimi është në fazë fillestare. Do të shohim çfarë del më tutje.