Kryeministri i Shqipërisë, Edi Rama, i është përgjigjur deklaratave të deputetit britanik dhe mbështetësit të Brexit-it, Nigel Farage, i cili pretendoi se “1 në 50 shqiptarë në Britani janë në burg”. Rama e ka cilësuar këtë si një gënjeshtër të tejfryrë dhe i ka bërë thirrje për një përballje publike me fakte.
Në një postim të gjatë, Rama ironizoi deklaratat e Farage dhe shprehu gatishmërinë që, nëse shifra rezulton e vërtetë, të marrë personalisht të gjithë shqiptarët e dënuar në Mbretërinë e Bashkuar. Nga ana tjetër, nëse shifra rezulton e rreme, i ofron Farage-it një ftesë zyrtare për të vizituar Shqipërinë dhe për t’u njohur nga afër me vendin dhe mikpritjen shqiptare.
