Detaje të reja janë bërë publike nga atentati i frikshëm që ndodhi pak minuta më parë në Tiranë. Policia ka konfirmuar zyrtarisht se 4 persona kanë mbetur të plagosur nga të shtënat me armë zjarri në drejtim të një automjeti në Lundër.
Dy prej të plagosurve janë të mitur të moshave 11 dhe 17-vjeç, D.D dhe M.D, ndërsa dy të tjerët janë identifikuar si 34-vjeçari Arenc Stafa dhe 19-vjeçari Kjan Mullaj.
Tre të plagosurit e moshave 11, 17 dhe 19-vjeç janë dërguar me urgjencë te Spitali i Traumës.
Raportohet se 11-vjeçari ndodhet në gjendje të rëndë dhe është futur në sallën e operacionit.
Njoftimi i Policisë:
Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
