Me nisjen e fushatës elektorale, po dëgjojmë lloj-lloj “përralla” dhe premtime të paimagjinueshme elektorale.
Për shkak se e ndjen humbjen dhe me qëllim që të “thithë” ndonjë votë, Berisha zotohet se “kush është martuar nga 2018 e këtej, do të marrë 30 mijë euro depozitë bankare nga shteti”.
Premtime qesharake nga Sali Berisha i cili nëse fiton zgjedhjet, atëherë shqiptarët do të hanë me “lugë floriri”, madje duke ia kaluar Gjermanisë dhe Norvegjisë.
“Kredi e butë për çdo çift të ri që është martuar nga 2018 e këtej, 30 mijë euro sa duhet depozitë bankare do t’i ketë nga shteti. E sigurt 100% me zero interes. Por kjo për të blerë banesën, por çifti që merr guximin për t’u bërë me 3 fëmijë, fëmijën e tretë do ia rrisë shtetit, nga lindja. Në jetën e kurrkujt nuk ndërhyj, ai që merr guximin fëmijën e tretë do ia rrisë shteti nga lindja deri 23-vjeç, dhe të dy fëmijët do të kenë bonus 70 dhe 60 euro, përveç të tretit që do të rritet i tëri nga shteti”, tha Berisha.
