Gjykata e Beratit ka shpallur sot vendimin për dy persona të njohur në rrjetin social “TikTok”, Natasha Rombula dhe djalin e saj, Armando Kumaraku, të cilët u gjykuan për keqtrajtimin e një të mituri 10-vjeçar djali i Kumarakut dhe nipi i Rombulës.
Sipas vendimit të dhënë nga gjyqtarja Lumturi Zhupa, Armando Kumaraku është dënuar me 3 vite e 6 muaj burg, ndërsa nëna e tij, Natasha Rombula, me 2 vite e 3 muaj. Gjykata ka pranuar gjithashtu kërkesën e prokurorisë për dënim plotësues: Armando Kumarakut i është hequr e drejta e prindërimit ndaj të birit.
Të dy u arrestuan në shkurt të vitit të kaluar, pas një kallëzimi të bërë nga nëna e fëmijës ish-bashkëshortja e Kumarakut e cila denoncoi se fëmija ishte përdorur në mënyrë të papërshtatshme në video të publikuara në TikTok.
Materialet e postuara përmbanin fjalor të pahijshëm, ndërsa fëmija ekspozohej në mënyrë të përsëritur dhe të papërgjegjshme në rrjetet sociale.
