Val Kilmer, aktori famshëm i Hollywodd i njohur për rolet si Jim Morrison dhe Batman, ka ndërruar jetë të martën në Los Angeles. Ylli i kinematografisë u nda nga jeta në moshën 65-vjeçare për shkak të pneumonisë, sipas vajzës së tij, Mercedes Kilmer.
Aktori u diagnostikua me kancer në fyt në vitin 2014 dhe më vonë u shërua, tha ajo.
Pas diagnostikimit me sëmundjen e rëndë, Kilmer iu nënshtrua një operacioni në trakeotomi që ia ndryshoi zërin.
Ai u largua kryesisht nga aktrimi, ndërsa përsëriti rolin e tij si Tom “Iceman” Kazansky në filmin jashtëzakonisht të suksesshëm dhe të shumëpritur, “Top Gun: Maverick” së bashku me Tom Cruise, i cili u publikua në 2022 pas një vonese dyvjeçare.
Sipas Comscore, filmat e Kilmer fituan gati 2 miliardë dollarë në arkat globale.
Në vitin 2021, Kilmer publikoi një dokumentar që tregon kulmin dhe rënien e karrierës së tij, përmes ndërveprimeve që kishte incizuar me familjen e tij dhe në sheshe filmash për vite me radhë, duke përfshirë pamjet nga prapaskenat e “Tombstone” dhe aktorët e “Top Gun”.
Në atë kohë, Kilmer po shërohej nga operacioni që iu nënshtrua për kancerin e fytit, ndaj djali i tij, Jack, lexoi rrëfimin e shkruar nga aktori.
Val Kilmer kishte dy fëmijë me ish-gruan e tij, aktoren Joanne Whalley.
