TIRANË- Aktorja e mirënjohur shqiptare, Tinka Kurti ka marrë pjesë në homazhet në ndër të aktores, Margarita Xhepa e cila ndërroi jetë një ditë më parë. Me zërin që i dridhej dhe plot emocione, Tinka Kurti i dha sot lamtumirën, koleges së saj Margarita Xhepa.
“Unë e kisha vajzë e kisha shoqe dhe e kisha mikeshë. Nuk kemi c’të bëjmë, unë jam më e madhe se ajo, duhet të hesht se kam dhimbje të madhe shumë, shumë.”-u shpreh Tinka./Radar.al
Timo Flloko Reagimi i tij:
“Ruaj kujtimet më të jashtëzakonshme me të.Do të mbetet e paharruar. Po të shihni në këtë homazh ka një vizitë një ardhje një trysni të njerëzve që duan të vijnë e ta nderojnë. Kam një kujtim të rrallë me të, një skenë të Hamletit me nënën. E kam të filmuar dhe e kam si kujtim të rrallë.”-tha Flloko./Radar.al
Homazhe për artisten e popullit Margarita Xhepen u mbajtën edhe në hollin e muzeut historik të Lushnjës, qytetin e saj të lindjes.
Qindra nxënës shkolle dhe intelektualë u përkulën përpara fotografisë së aktores me respekt.
“Do ta kujtojmë me nostalgji”, shprehet qytetari.
“Disa njerëz vijnë në këtë botë për të mos ikur kurrë”, shprehet një tjetër qytetare.
Krenare që ishte vajzë lushnjare Margarita Xhepa vizitonte çdo vit vendlindjen e saj edhe pse u largua pas angazhimit artistik. Ishin të shumtë qytetarët që e njihnin nga afër e që sot thonë se do ta kujtojnë me nostalgji.
