Zana Avdiu, aktiviste e njohur për të drejtat e grave, ka ngritur një debat të fortë në opinionin publik, duke e quajtur padrejtësi historike faktin që fëmijët zakonisht marrin mbiemrin e babait. Në një deklaratë të fundit, ajo ka kërkuar që kjo praktikë të ndryshojë dhe që mbiemri i nënës të jetë ai që duhet të trashëgohet nga fëmijët.
“Është koha të rishikojmë këtë normë patriarkale që ka zgjatur me shekuj. Gruaja që mban në bark, lind dhe rrit një fëmijë, e meriton të ketë mbiemrin e saj të trashëguar tek ai,” u shpreh Avdiu.
Kjo deklaratë ka ngjallur reagime të ndryshme në rrjetet sociale – disa e mbështesin fuqishëm idenë, duke e parë si një hap drejt barazisë gjinore, ndërsa të tjerë e konsiderojnë si një sulm ndaj traditave familjare.
