Analisti Frrok Çupi thotë se SHBA nuk mund të jetë kurrë aleat i Sali Berishës.
Në një intervistë për “Newsline” në ABC News, Çupi u shpreh se heqja e non gratës, është një përrallë e sajuar nga Berisha.
Analisti tha se pas fitores së Partisë Socialiste më “11 maj”, gjatë mandatit të katërt prisni anëtaresimin e Shqipërisë në Bashkimin Europian.
“Si mund të mendosh që SHBA të merret me Sali Berishën, e jo më t’i heqë non gratën. Është një lloj turpi para së cilës i vë njerëzit të mendojnë. A ka mundësi të jetë e vërtetë apo e pavërtetë? Kjo është epoke e ndotur në krim dhe korrupsion. Jemi në prag të një ngjarjeje jashtëzakonisht të madhe, jemi para anëtarësimit në BE. Anëtarësimi në BE, është rilindje. Është një ngjarje që e vë individ në të njëjtin nivel me çdo evropian tjetër. Përballë nuk ka garë politike”, theksoi Frrok Çupi.
