Një aksident tragjik ka ndodhur rreth një javë më parë në afërsi të Obersöchering në Gjermani, ku për pasojë një mërgimtare nga Kosova e cila jetonte atje ka humbur jetën dhe disa persona kanë mbutr të lënduar.
Viktima e këtij aksidenti tragjik është Shkurte Zuka Rrahmani nga fshati Pozheran, e cila ishte në veturë bashkë me djalin e saj, i cili mbeti i lënduar.
Varrimi i 42-vjeçares do të bëhet sot në varrezat e fshatit Drobesh të Vitisë, ndërsa familja ka njoftuar se do të hapin derën për ngushëllime.
“Ju njoftojmë se vorrimi i të ndjerës Shkurte Zuka Rrahmani (gruaja e Ridvan Sinan Rrahmani) e cila humbi jeten tragjikisht në aksident trafiku në Gjermani, bëhet të Enjeten me date: 20.03.2025 në ora 15:15h në varrezat e Fshatit Drobesh.
E pamja për ngushëllime mbahët në oborrin e Familjes Rrahmani në rrugen Viti-Gerlic në dalje të Vitis, të Premtën dhe te Shtunën: 21.03.2025-22.03.2025, kurse të Dielen me daten 23.03.2025 në Pozharan tek Shtepia e Aziz Zuka, nga Ora 09:00-17:00h”, shkruhet në njoftim.
