Mësohet se një vrasje e rëndë ka ndodhur në qytetin Thannhausen, në Gjermani. Një 54-vjeçar dyshohet se ka vrarë bashkëshorten e tij. Mësohet se çifti është nga Rahoveci, por jeton në Gjermani.
Mediat gjermane kanë raportuar se, në qytetin Thannhausen të Gjermanisë, paraditen e të mërkurës, një i dyshuar 54-vjeçar ka vrarë bashkëshorten e tij 55-vjeçare.
Mësohet se çifti është nga Rahoveci, kurse inicialet e emrit të të dyshuarit janë B.N., ndërsa të viktimës L.N., transmeton Albinfo.
Referuar mediave në Gjermani, të cilat citojnë autoritetet policore atje, pas vrasjes së bashkëshortes, dorasi kishte thirrur me telefon djalin e tij dhe i kishte thënë: “Ta vrava nënën”.
Më pas, djali kishte njoftuar policinë, e cila menjëherë, bashkë me ekipet e tjera emergjente, kishte shkuar në vendngjarje.
